|N001|Wir Ruprecht der Elter von Gots genaden pfallenczgrave bei Rein, des heiligen reichs obrister trugsezze und her|N002|czog in Beyern¬ , bekennen und tun kunt offenlich mit disem brive allen den, di in sehent oder horent lesen, daz |N003|wir mit wolbedachtem mut, mit rate unser vreunde und auch mit rechter wizzen des allerdurchluchtig¬ |N004|sten fursten und herren, hern Karls Romischen kungs zu allen zeiten merer des reichs und kungs zu Behem, |N005|unsers lieben genedigen herren, di nachgeschriben vesten Hoenstein und die merkte Hersbrucke und Aurbach, |N006|di von dem heiligen reiche lehen sint, mit allen rechten, herscheften, nuczen und zugehorungen, wie man die |N007|benennen mag, dem kungrich und der cronen zu Behem zu rechtem erbe und erbelehen recht und red¬ |N008|lich verkouft haben in aller der mazze, als di obgenanten veste, merkte und ire czugehorungen nach tode seliger |N009|gedechtnuzze des hochgebornen fursten, hern Rudolfs etwenne pfallenczgraven bei Rein und herczogen|N010|in Beyern , unsers lieben bruder, auf uns vervallen waren, und als in briven, di wir daruber geben haben |N011|ist vollen kumenlich begriffen. Dovon bitten wir den obgenanten unsern herren den romischen kunig, das er |N012|mit romischer kunglicher macht denselben kouf geruche zu bestetigen und die selben vesten der cro¬ |N013|nen und dem kungrich zu Behem zu rechtem erbe und erbelehen machen und verleihen wolle. Mit |N014|urkund dicz brives, versigelt mit unserm insigel, der geben ist zu Hagnow nach Cristus geburd drei|N015|czehen hundert und in dem dreu und fumfczgistem jar, des nechsten eritags nach sand Simons und|N016|Judas, der heiligen zwelfboten tag¬ .