|N001|Wir Fridrich von Gotes gnaden lantgrave zcu Duringen, marcgraf zcu Myszne, |N002|in dem Osterland und zcu Landesperg, graf zcu Orlamund und herr des landes |N003|zcu Plyszen , bekennen offenlichen an disem brife, daz wir dem allerdurchluchtigesten un¬ |N004|serm lieben gnedigen herren hern KarI, Romisehem kunge, zcu allen zeiten merer des |N005|richs und kunge zcu Beheim , hern Johans, herzcogen zcu Kernthen, und hern Arnest, |N006|erczbischof zcu Prage , an den acht tusent schocken, die uns von der teiding |N007|wegen die vor zcu Budyssin und nu zcu Dresden geschen sin, gelobt sint, |N008|abslahen sullen und wollen, alles daz gelt, daz uns yzeunt zcu Brezlaw ge¬ |N009|vallen ist oder furbaz mag gevallen, und wir Fridrich und Balthazar, des vor¬ |N010|genanten herren Friderichs, marcgrafen zcu Myszen, sune voriehen und geloben |N011|ab derselbe unser vater abginge von todes wegen daz Got wende, daz wir den |N012|obgenanten unsern gnedigen heren hern Karl, Romischem kunge, sinem brudere und |N013|dem ertzbischof, waz dem vorgenanten unserm vater geldes zcu Brezlaw |N014|gevallen were an den obgeschriben acht tusent marken gentzlichen und on alle |N015|widerrede abslahen sullen. Zcu urkund dar uber haben wir unser insigel an dise |N016|brif gehangen, der gegeben ist zcu Dresden nach Cristi geburte drizcen hundert |N017|jar, darnach in dem nun und firzcigesten jar an sunabendeb vor dem Obersten tag .