In^a) nomine domini amen. Nos Cuno dei et apostolice sedis gracia abbas monasterii santi Galli¹ ordinis sancti Benedicti Const(anciensis) dyocesis sedi apostolice inmediate subiecti ad rei perpetuam memoriam tenore subscriptorum notum facimus universis et singulis, quos nosce fuLerit oportunum, quod nos abbas unâ cum Hainrico de Gundolfingen preposito² et monacho eiusdem monasterii professo per Brisgaudiam³ et capitulo dicti nostri monasterii eiusdem ordinis diligentibus tractatibus capitularibus et sepius prehabitis more solito et consweto L vocatis evocandis, qui debuerunt et potuerunt interesse, de consensu voluntate unanimi collegiato et cappitulari et scitu matura deliberatione prehabita non habentes peccuniarum summas fructus et bona mobilia pro infrascripta summa florenorum L distrahend(orum) considerantes etiam ceteris paribus, quod magis expedit alienare quam plura monasterii ipsorum bona obligare et onerare ob evidentem nostram et dicti monasterii utilitatem urgentemque necessitatem, pro nobis nostro monasterio et nostris successoribus in eodem mutuo contractu emptionis et venditionis curiam nostram dominicale sitam in Agringen⁴ Const(anciensis) dyocesis cum omnibus et singulis iuribus bonis pertinentiis tam corporalibus quam incorporalibus redditibus proventibus censibus decimis obventionibus agris pratis vineis nemoribus silvis vorestis pascuis viis cultis et non cultis riffis aquis aquarum decursibus conswetudinibus honoribus et iuribus aliis quibuscumque curie dominicali annexis vel alias quomodocumque debitis et pertinentibus et omnes proprietatem et ius directum vel utile nobis et dicto nostro monasterio in eisdem et ad ea contenta competentes vel competere volentes et possessiones sitas infra terminos et periferias dicte ville Agringen et in ipsa villa, quas curiam et possessiones hospitale pauperum et infirmorum maioris civitatis Basiliensis ⁵ a nobis et nostro monasterio iure hereditario sub certo annuo censu habet et tenet, item et possessiones, quas Frantzo dictus Hagendorn armiger unâ cum suis consortibus tenuit possedit tenet et possidet similiter iure hereditario pro certo annuo censu a nobis et nostro monasterio predicto, cui curie possessionibus et bonis predictis tamquam universitati ius patronatus ecclesie parrochialis in dicta villa Agringen inheret ac inherere dinoscitur unâ cum cappella in villa Vischingen⁶ prefate dyocesis situata titulo proprietatis seu iuris directo ad nos et nostrum monasterium pertinenti, dicto hospitali pauperum et infirmorum maioris civitatis predicte et discreto viro Heinrico Osterricher magistro et administratori dicti hospitalis et nomine eiusdem vendidimus et presentium tenore vendimus tradimus et assignamus dictumque hospitale et magistrum hospitalis predictum nomine eiusdem ex titulo predicto in possessionem dictarum curie dominicalis iuris patronatus inherentis et cappelle site in villa Vischingen predicte dyocesis et aliarum possessionum venditarum misimus et mittimus cum omnibus iuribus et bonis ut supra, inducentes dictum hospitale et magistrum predictum eiusdem hospitalis nomine in corporalem et realem possessionem dictorum bonorum venditorum cum suis iuribus annexis dependentibus et annexis ut supra pro quingentis florenis aureis bonis et legalibus, quos nos fatemur presentibus ab ipsis hospitali et magistro hospitalis predicto eiusdem nomine in prompto recepisse et in usus dicti monasterii nostri convertisse, pro quibus ipsum hospitale et magistrum Heinricum prescriptum quittamus et quittos dicimus presentium per tenorem, resignavimus quoque et presentibus modo et forma melioribus quibus potuimus resignamus cum sollempnitatibus in talibus necessariis et conswetis curiam bona possessiones et alia prescripta in manus prefati emptoris nomine quo supra et in dictum hospitale predicto pleno iure transtulimus eadem premissa dicte venditionis occasione a nobis et nostro monasterio predicto penitus abdicantes, promittentes nos abbas pro nobis nostrisque successoribus cum consensu capituli nostri predicti et domini Hainrici prepositi prescripti ac capituli dicti nostri monasterii dicto hospitali et magistro eiusdem hospitalis prefato et nomine eiusdem et suis successoribus omnia et singula in presenti instrumento contenta perpetuo firma et rata habere et tenere et non contra facere per nos alium vel alios directe vel indirecte publice vel oculte de iure vel de facto seu quibuscumque ingenio vel colore aut contra venire volenti aliqualiter consentire nec litteras a sede apostolica vel aliunde premissis vel sequentibus preiudiciales inpetrare vel inpetratis uti velle quovismodo, insuper promittentes hospitale et magistrum predictos et successores eiusdem warandizare debitamque et legitimam warandiam prestare, quando et quocienscumque opus fuerit, adversus omnem hominem, ut est iuris, de et super bonis venditis predictis scilicet proprietate dictorum curie dominicalis iure patronatus curie inherenti et cappelle predicte nec non et possessionum cum omnibus iuribus ut supra et cavere de evictione premissorum venditorum, prout in talibus de iure vel conswetudine est fieri conswetum et necessarium dolo et fraude in premissis penitus sublatis, et ad premissorum ac subsequentium omnium et singulorum observantiam et ratihabitionem inviolabiles nos dictum monasterium et nostros successores in eodem de consensu predicto firmiter obligamus et astringimus, renuntiantes nichilominus in premissis omnibus et singulis pro nobis et nostri monasterii successoribus beneficio restitutionis in integrum exceptioni doli mali et infactum actioni deceptioni ultra dimidium iusti pretii deffensioni non adhibitis sollempnitatibus exceptioni non numerate peccunie et recepte litteris instrumentis privilegiis et gratiis apostolicis et imperialibus a sede apostolica vel aliunde inpetratis vel inpetrandis conswetudini generali aut particulari omnibus constitutionibus aut statutis editis et edendis omni iuri canonici et civilis amminiculo et auxilio ac omnibus exceptionibus et deffensionibus et alegationibus quibuscumque tam iuris quam facti, per quod generalis renuntiatio reprobatur vel non dicitur valere, et demum omni alio iuri canonico et civili divino et humano novo et veteri usui et conswetudini, quibus contra premissa vel premissorum aliqua venire possemus aut in aliqua nos defendere vel tueri vel mediantibus, quibus dicta venditio et contractus quomodolibet posset vel in toto seu in parte infringi vel aliqualiter inpediri, et specialiter iuri dicenti generalem renuntiationem non valere, nisi precesserit specialis. Reservamus tamen insuper advocatiam domino Hennmanno de Grunenberg⁷ et suis heredibus, qui de eadem advocatia percepit aut prout dicitur percipere debet a rectore ecclesie in Agringen singulis annis redditus duodecim vernzellorum spelte et non ultra, si et in quantum sibi ius conpetit ad eandem. In cuius rei testimonium evidens atque robur nos Cuno abbas sigillium nostrum presentibus duximus appendendum. Et nos Hainricus de Gundolfingen prepositus prescriptus totumque capitulum prescripti monasterii sancti Galli recongnoscimus publice et fatemur prefatum contractum omnia et singula prescripta in dicto propter ea non semel sed sepius capitulo etiam prehabitis tractatibus diligentibus de nostrorum omnium consensu ob evidentem utilitatem dicti nostri monasterii processisse nostrumque consensum plenum omnibus premissis adhibuisse, prout presentibus irrrevocabiliter adhibemus, ac etiam promisimus et presentibus promittimus bona fide pro nobis et successoribus nostris premissa omnia et singula inperpetuum rata habere atque firma nec contra ipsa facere vel venire quovismodo, et in signum consensus nostri sigillum nostrum ac etiam sigillum capituli nostri prescripti presentibus duximus appendena. Datum et actum in monasterio nostro sancti Galli predicto feria quarta post festum beati Bartholomei apostoli, anno domini millesimo tricentesimo nonagesimo secundo, indictione XV^a.