Ich^a) Adelhait Rotliebin, Rotliebs saeligen von Linow¹ elichú husfrow, ich V^olrich, Hartman, Hans, Gedrut vnd Ell ierú kind ver||iehen fúr v´ns vnd all v´nserr erben mit vrkúnd ditz briefs vmb die gnad vnd vmb die trw´, die v´ns geleit ha^vt der vest ritter herr || Johans von Rammenswa^vg², das er dem obgen(anten) V^olrich Rotlieb v´nserm sun ze rehtem mann lehen verlihen haut ainen hof, der gelegen || ist ze Fridrisriet³, und die múlin ze Loch⁴ vnd ain wautschar, dú gelegen ist ze Linow vnd dú sin vatter saelig Rotlieb verlassen ha^vt, vnd darvmb haben wir im aellú vorgen(anten) verhaissen mit v´nsern trúwen, das wir aellú gemainclich wi^eder das gotzhus ze Vrsin⁵ noch wi^eder den abt des selben gotzhus mit flůchsaemin noch mit vsser siner gnosschaft nit wiben noch mannen súln in dehainen weg, waer aber, das wir das braechin oder v´ber fúrin, es waer v´nser ains oder mer, welhes das taeti, das sol fúro an dú obgen(anten) gůt aellú enhain ansprach noch reht nimmer me gehaben noch gewinnen weder mit gaistlichem noch mit weltlichem geriht noch mit dehainen sachen in all weg. Des alles ze ainem wauren vrkúnd von v´ns des geben wir dem obgen(anten) vesten ritter hern Johansen von Rammenswa^vg vnd allen sinen erben dem obgen(anten) gotzhus dem abt vnd allen sinen nachkomen di^esen brief geuestnot vnd versigelt mit des vesten mannes Rupprehtz von Lechsperg⁶ insigel, der das durch v´nser bet dar an gehenkt ha^vt im selber aun allen schaden nun ze ainer sicherhait aller vorgeschriben sach, darvnder wir v´ns ainmu^eteclich verbinden mit v´nsern trúwen waur zehabent vnd zelaistend, was hie vorgeschriben stat. Ditz geschach nach Kristus gebúrt drúzehen hundert iaur, in dem ahtunden vnd seichtzgostem ia^vr, an dem naehsten sunnentag nach dem obrosten.

Source Fulltext: Chartularium Sangallense VIII, Nr. 5113, S. 285-286.