Wir die nachgenemten vier stett Costentz, V´berlingen¹, Lindo^vw^a)2 vnd sant Gallen veriehen mit vr||kúnd | dis brieues, das wir den erwirdigen herren abt Georien abt des gotzhus ze sant Gallen³ || vnd | die von Wangen⁴ v´berain braht habin vmb die sto^ess, so sie mit ainander hatten von des aides we||gen, | den sie im swerren solton, also das die selben von Wangen dem egenemten abt Georien von wort ze wort also swerren sont: Das wir die von Wangen vnserm herren abt Georien abt des gotzhus ze sant Gallen, der hie ze gegen ist, vnd dem gotzhus ze sant Gallen sinú reht tu^egin vnd sinen frumen fúrderrint vnd sinen schaden wendint vnd im trúw vnd warhait laistint vnd im sinú vnd sines gotzhus reht zaigint vnd sagint, wa wir des von im oder von ieman von sinen wegen gefragot werdint, vnd im o^vch aller der ding gebunden sigin, des o^vch vnserr vordem sinen vordem vnd dem gotzhus ze sant Gallen gebunden sint gewesen, ân alle geua^erd, also bitten wir vns^b) got ze helffenn vnd alle hailgen. In den selben aid súllent^c) wir o^vch nemen^d) vnd swêrren, wa^er das der vorgenemt vnser herr abt Geori vor sibenen, die die ra^et von den siben stetten vmb den Se^v5, die ain buntnust mit ainander hant von vnsers herren des kaysers gebott wegen, sendent in der siben stett ain vff den tag, als sú darumb gemant werdent, fúrbringen mo^eht, als die selben siben ald den mertail vnder in zitlich dunket, das wir die von Wangen des egenemten vnsers herren abt Georien vordem vormals gesworn hettint, das wir in vnd sin gotzhus schirmen so^eltint vor ma^enlichem denn^e) gen dem rieh, so súllen wir dem selben vnserm herren abt Georien des selben o^vch gebunden sin vnd laisten, ân^f) alle geua^erd. Vnd ze offemm vrkúnd der vorgeschriben rihtung so haben wir die vorgenemten vier stett den egenemten herren abt Georien erbetten, das er sin insigel fúr sich selben gedrukt hât vff disen brief, darzů o^vch die von sant Gallen fúr vns ir stat insigel o^vch gedrukt hant durch vnser bette willen. Dirre brief ist geben ze sant Gallen an dem na^ehsten zinstag nach des hailgen crútzes tag, als ez gefunden wart, in dem jar, do man zalt von gottes geburt^g) drúzehen hundert jar vnd darnach in dem zwai vnd sehszigosten jar.

Source Fulltext: Chartularium Sangallense VIII, Nr. 4808, S. 28-29.