Den erwirdigen v´nserrn gnedigen herren den e^apten vnd den capitteln der gotzhusern || in der Richen O^vwe¹, ze sant Gallen, ze den Einsidellen² in Costentzer bystům vnd ze Pheuers³ || in Curer bystům enbieten wir graf Johans von Habspurg⁴ v´nsern willigen dienst || mit gantzen trúwen. Wir senden v´wer ieklichem vnd sinem gotzhus sunderlich vf mit disem brief alle die ho^eue gericht vogtyen lút vnd gu^eter, die wir in der herschaft zů der Núwen Raprechtswile⁵ in der stat vnd vf dem lande von v´ch vnd v´wern gotzhúsern fúr erbe oder fúr lehen har bracht vnd besezzen haben, vnd bitten v´wern ieklichen vnd sin capittel sunderlich mit gantzem ernste, daz ir die selben erbe vnd o^vch lehen lihent dem hochgebornen fúrsten hertzog Albr. ze O^ester.⁶ ze Styr vnd ze Kernden v´nserm gnedigem herren vnd sinen erben mit allen den nútzen vnd rechten, als v´nserr vordern vnd wir die von v´ch harbracht vnd besezzen haben, won wir die selben herschaft ze Raprechtswile verko^vft vnd ze ko^vffende geben haben recht vnd redelich dem vorgenanten v´nserm herren dem hertzogen von O^ester. vnd sinen erben. Mit vrkúnd ditz briefs. Der geben ist ze Brugg⁷ an dem nechsten zinstag nach sant Jacobs tag dez zwelfbotten, nach gottes gebúrt tusent drúhundert fúnfzig iaren, dar nach in dem vierden jare.

Source Fulltext: Chartularium Sangallense VII, Nr. 4366, S. 241-242.