Wir dise fúnf schidlút her Johans von Twingenstain¹ ritter, Růdolf der Maiger von Altstetten², Růdolf . . des alten ammans sa^eligen sun von Veltkirch, || Johans Magelsperg³ vnd . . der Kno^epfeler von Altstetten kúnden vnd veriehen offenlich an disem bri^ef vmb alle die sto^esse zwischent Katherinen || der Va^edrerinen von Altstetten, Wa^eltin, Herman, A^ellinen, Gůten, Englen^a) vnd Vrsellen iren kinden ze ainem tail vnd Oswalten, Vigen vnd || Ru^edin, Peter Rainolts kinden von Veltkirch, ze dem andren tail vnd vmb alle ansprachan, di^e si vf disen hútigen tag, als dirre bri^ef geben ist, ze enander gehept hant vmb ainen wingarten ze Lúchingen vnd vmb die gebraiten ob Altstetten, dz wilont . . des Va^edreres sa^eligen was, dz si vf v´ns baidenthalp gesezet hant willeklich ze berichtenn mit li^ebe oder mit dem rechten, dar vmb habent wir si lieplich bericht vnd verainbert vmb alle sto^esse vnd ansprachan also, was si schaden ze baiden siten gehept oder genommen hant, da sol ain schad gen dem^b) andren absin, vnd sol dú vorbenemt Katherin Va^edrerin vnd irú kint beliben bi der ebenemten gebraiten halber, so sont dú vorbenemten Peter Rainolts kint beliben bi dem andren halptail der ebenemten gebraiten vnd bi dem wingarten allem ze Lúchingen, vnd sont dú vorbenemten Katherin Va^edrerin vnd irú kint sich enzihen vnd vfgeben aller ansprach mit des erwirdigen herren apt Hermans hant apt des gotshus ze sant Gallen gen den ebenempten Peter Rainolts kinden, was si zv^o inen ze sprechen . . .^c) hant, vsgenommen dú gebrait ha^elbú, vnd wenne si dz tůn went, so sont si inen ainen tag dar vmb verkúnden acht tag vor hin, dz si selb gen sant Gallen komment oder iren gewissen botten dar sendent, vnd sont dirre sache ainen vstrag geben hinnan ze dem na^echsten sant Gallen tag, ta^etint si des nit, so sont dú ebenemt Katherin Va^edrerin vnd irú kint sin von allen iren rechten an der ebenemten gebraiten, es were denne, dz si den ebenemten herren apt Herman ze sant Gallen denne nit fundint, an alle geuerde, so sont si acht tag oder vi^erzehen tag lenger frist han. Vnd dz dis alles sta^et belibe, dar vmb hant di^e ebenemten Katherin Va^edrerin vnd irú kint zv^o inen ze wern vnd ze tro^ester geben Berchtolt den Kesseler⁴ vogt im Rintal vnd Eglin von Di^epolzo^vwe⁵ iren o^ehaim baide vnuerschaidenlich den ebenemten Peter Rainolts kinden, so hant o^vch die ebenemten Wa^elti vnd Herman di^e Va^edrer gesworn gelerte aide fúr sich selb vnd fúr ir ebenemten můter vnd geswistrid, dis alles sta^et ze hand an alle geuerde. Dirre ding ze vrkúnd habent wir ebenemten fúnf schidlút vnd ich ebenemter Berchtolt der Kessel er vogt im Rintal disen bri^ef besigelt mit v´nsren aigen insigeln. Der geben ist ze Altstetten an v´nser frowen abent im herpst, do man zalt von gottes gebúrt drúzehenhundert vnd fúnfzeg jar, dar nach in dem vi^erden jar.

Source Fulltext: Chartularium Sangallense VII, Nr. 4372, S. 244-245.