useridguestuseridguestuseridguestERRORuseridguestuseridguestuseridguestuseridguest
Charter: Chartularium Sangallense 07 (1348-1361) 1352 IX 01
Signature: 1352 IX 01
no graphic available
Zoom image:
Add bookmark
Edit charter (old editor)
1. September 1352, Werdenberg
Graf Albrecht von Werdenberg fällt einen Schiedsspruch zwischen Graf Friedrich von Toggenburg und den Brüdern von Sax im Streit um Alpen und Eigenleute.
Source Regest: Chartularium Sangallense VII, Nr. 4257, S. 160 (Krüger, MVG 22 (1887), 344.).
 

orig.
  • Current repository
  • StA St. Gallen QQ.2.H.1.

  • Seal3 Siegel, 1. besch., wie 4. in Nr. 3901; 2. besch., wie 1. in Nr. 4043; 3. besch., wie 2. in Nr. 4043.
  • Material: Pergament
  • Dimensions: 28/22 cm
    • x
      Wir graf Albreht von Werdenberg der elter1 tůnt kunt allen den, die disen brief an sehent || oder hoerent lesen, daz v´nser oehan graf Ffriderich von Tockenburg2 vnd Volrich Stephana), Volrich Brantho, || Eberhart vnd Johans von Sax3 gebrůder alle vier gemainlich vmb alle die stoess misshellung clag vnd || ansprach, so der obgenant v´nser oehan graf Ffriderich von Tockenburg vnd die obgenanten von Sax mit en an anderb) hattond oder gehebt hant vntz vf disen húttigen tag, als dirr brief geben ist, vf v´ns giengen vnd kament. Do sprachent wir vs, daz alle ansprachen, die sú vf den tag hatten, ab werint vnd v´nser obgenanter oehan von Tockenburg vnd sin erben vnd sin lút vnd der erben beliben sont bi den guetern vnd rehten, so die obgenanten von Sax an sú anspraechig hattond, dú hienah geschriben stant. Des ersten sol der obgenant v´nser oehan von Tockenburg vnd sin erben beliben vnd bestan bi der alp, die man nempt Sennuel4. Er vnd sin erben sond och beliben bi allen den rehten vnd gewonhaitten, so er vntz her in der alp Tesel5, dú also genant ist, gehebt hat, won sol och wissen, daz des obgenanten vnsers oehanss lút vnd der erben beliben sont bi allen den guetern vnd rehten, so zů den guetern hoeret, dú sú kovft hant von den von Sax oder von iren lúten. Es sol och Hainrich Wisshobt minem obgenanten oehan von Tockenburg vnd sinen erben beliben mit lib vnd mit gůt vnd mit aller zů gehoerd. Es ist och beret, ist daz, daz Arnolt der Weber hinder minen oehan von Tockenburg zúhet, so sol der selb Arnolt sin vnd siner erbo sin mit allem sinem farenden gůt. Es ist och beret, daz Hermans sailgen von Schoenenbodmen6 erben vnd der erben beliben sont bi der wis vnd guetern, dú Zuelbach7 gelegen ist bi Ganss8, dú Hermans sailgen von Schoenenbodmen warent, vnd sont du han vnd niessen als ander ir aigen gůt, vnd sont die obgenanten Volrich von Sax, den man nempt Stephan, Volrich Brantho, Eberhart vnd Johans von Sax gebrůder noh iro erben den obgenanten v´nsern oehan von Tockenburg vnd sin erben vnd sin lút noh ir erben an den obgenanten stuken ainem noh kainem sunderlich noh gemainlich niemer gesummen noh geierren an gaischlichem noh an weltlichem geriht noh in kaines wegs. Vnd des ze warem vnd offem vrkúnd aller diser ding so henkent wir der obgenant graf Albreht von Werdenberg v´nser aigen insigel offenlich an disen brief. Dar nah vergehent wir die obgenanten Volrich Stephan, Volrich Branthoc), Eberhart vnd Johans von Sax gebrůder fúr v´ns vnd alle v´nser erben, daz dis alles war ist vnd daz wir alles daz getan vnd ffollfuert hant, daz von v´ns an disem brief geschriben stat. Vnd des ze warem vnd offem vrkúnd, daz dis alles war ist, so henkent wir die obgenanten Volrich Stephan, Volrich Brantho v´nser´ aigen insigel offenlich an disen brief, vnder dú selben insigel wir Eberhart vnd Johans von Sax v´nsd) bindent, es alles stait ze habenn, vone) wir aigener insigel nút habent. Dis beschach vnd wart dirr brief ze Werdenberg9 geben, do man zalt von gottes geburt drúzehenhundert jar vnd dar nah in dem zwaivndfúnftzgosten jar, an sant Ferenun tag.
      Source Fulltext: Chartularium Sangallense VII, Nr. 4257, S. 160-161.

      Original dating clausean sant Ferenun tag

      Editions
      • Stiftsarchiv St. Gallen, Bd. 10a, S. 219 (Klosterdruck). - UB St. Gallen III, 1490.

      Comment

      Geschrieben von Hand im Dienst der Toggenburger, wie Nr. 4099, 4124, 4155, 4156, 4175, 4212, 4214, 4220, 4268, 4269, 4281, 4294, 4333, 4338, 4341, 4376, 4430, 4570, 4607.


      LanguageDeutsch

      Notes
      a)p korr. aus f. - b) A. - c)o aus anderem Buchstaben korr., darüber nochmals o. - d)s korr. aus d. - e) A, statt won. - 1 Albrecht I. v. Werdenberg-Heiligenberg, 1308-1364. - 2 Friedrich V. v. Toggenburg, 1315 - + 1364. - 3 Ulrich Stephan (1329-1356/65), Ulrich Branthoch (1329-1356), Ulrich Eberhard (1329 - + vor 4. Juli 1398) u. Ulrich Johann (1329-1384) v. Sax (Hohensax, Gem. Sennwald, Bez. Werdenberg). - 4 Nicht identifiziert, Name wohl abg. (kaum verschrieben für Selun, Gem. Alt St. Johann, Bez. Obertoggenburg). - 5 Tesel, Gem. Wildhaus, Bez. Obertoggenburg. - 6 Schönenboden, ebd. - 7 Züelbach, Grenze Gem. Gams/Sennwald, Bez. Werdenberg. - 8 Gams, Bez. Werdenberg. - 9 Werdenberg, Gem. Grabs, Bez. Werdenberg.
      Places
      • Werdenberg
         
        x
        There are no annotations available for this image!
        The annotation you selected is not linked to a markup element!
        Related to:
        Content:
        Additional Description:
        A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.