Allen den, die disen brieff ansechint lesen oder ho^erent lesen, kúnd ich her Amor von Lutterberg¹ rytter vnd vergich des offennlich an disem brieff fúr mich vnd min erben, dz ich willenklich vnd mit gůtter vorbetrachtunnge nach miner gůtter frúnnde vnd ander erber lútte raute den erwirdigen gaistlichen frowen der a^eptissinen vnd dem conuennt des closters vnd des gotzhuses ze Maggenow² vnd ir nachkomen habe ze kouffen geben recht vnd redlich den grossen zehenden ze Rosßrútti³, der min recht lehen wz von dem gotzhuß ze sant Gallen, vmb XLVI lib. d. Costentzer gůtter vnd gena^emer, der ich gar vnnd ganntzlich von inen gewert bin vnd in minen redlichen nutz bekeret han, vnd ennzich mich dar v´ber fúr mich vnd alle min erben vnd nachkomen gen der vorgenanten a^eptissinen vnd gen dem conuent ze Maggenow vnd gen allen iren nachkomen aller ansprach aller vordrunng alles schirmes alles vsszugs vnd alles rechtes gaistliches vnd weltliches gerichtes, da mit ich ald kain min erbe vnd nachkomen ald jeman andrer von v´nnser wegen den vorgenanten zehenden ko^enndin ald mo^echtin angesprechen ald da mit wir wider disen vorgeschribnen dingen komen ald getůn mo^echtin. Ich sol ouch des vorgenanten zehenden der vorgenanten frowen vnnd ir nachkomen recht wer sin nach rechte one geua^erde vnd on allen iren schaden. Ta^ett ich des nit, wa^v vnnd wye sy mich danne dar vmbe geno^etten mugint, des sond sy vollen gewalt han, es syg mit gerichte ald on gerichte, vnd sol mich da uor nútt schirmen weder gaistlich nach^a) weltlich gericht, vnd hab diß alles geta^vn vnd vollfu^ert mit allen den worten vnd werchen vnd geta^etten, so dar zů ho^ert ald geho^eren mo^echti nach recht vnd nach gewonhait des lanndes. Vnd ze wa^vrem vnnd offem vrkúnd vnd sta^etter vnd ewiger sicherhait alles des, so hie an disem brieff geschriben sta^vtt, gib ich der vorgenante her Amor von Lutterberg rytter fúr mich vnd alle min erben vnnd nachkomen der vorbenempten a^eptissinen vnd dem conuent ze Maggenow vnd allen iren nachkomen dar v´ber disen brieff mit minem aigen insigel besigelten. Diß beschach vnd ist dirre brieff geben ze Maggenowe nach der gepurt Cristi M°CCC° vnd im XXXVII ja^vre an sant Walpurg abenndt.

Source Fulltext: Chartularium Sangallense VI, Nr. 3664, S. 260-261.