In dem namen der heiligun^a) drivaltigheit. Allen den, de disen brief sehent ald horrent lesen, kvnden wir Elizabet ebtischina vnd der conuent von Wûrenspach^b)1, das wir vnser eigen gv^ot^c) ze Vstra^d)2, || das da genemmet ist an dem Wîle^d)3, das da bvwet Adelheit des Walas wirtin vnd Jacob ir svn, das sechs stuki ierlichs gilt^e), den erberren Ivten Heinrich dem Meiiere⁴, Peter dem Kerer, Cho^vnrat dem Beren || vnd Johanse dem Banwart burger ze^f) Rapreswile⁵ verlvwen hein mit disen gedingen, so he nach geschriben stant^g). Sv vnd alle ir nachomen, de vf dem gv^ote des Obren Aspes⁶ sizzent vnd gotlichs leben fv^e||rent vnd gotte denon^h), sulentⁱ⁾ dis gv^ot han vnd besizzen^k) mit wisen, mit akeron, holze, velde, weide vnd messen^k) mit allem nvzze vnd recte, so dar zv^o horret. Dis gv^ot svlen sv vnd alle ir nachomen han ze lêne vmb ein vierdvng wachses ierlichs ze der liechtmes vns ze rictenne. Vnd ist ze verstênne^l) vmb dis gv^otes lên, das dis^m) lên als erblên ald manlênⁿ⁾ nvt^o) vallen sol an lib erben ald an sipschaft^p) erben wand einig an ir nachomen, de gotte denont^h). Wêre das sv alle vnerber vnd svndlich leben fv^ertin vnd das sich an den werken erzo^vgte vnd ein gemein lvmde dar vmbe wêre, swenne sv ermant wurdin^g), das sv ir be^v)ses leben liesin^q) vnd gotlichs fv^ertin, were das sv^r) inrob zweiien jâren^s) sich^t) von dem leben nvt^u) zvgin vnd gotlichs fv^ertin^v), so svlen sv gescheiden sîn^d) von dem gv^ote, noch svlen sv^w) noch mvgen ald deheiner ir nachome nach rectem gedinge an dis gv^ot dehein rectunge ald vordrvnge iemer gewunnen das ze niessenne^x). Wêr aber, das einer vnder inen ald zwene^y) vnrect leben fv^ertin, das sol den^z) andren nvt schaden an disem gv^ote, sv svlen sv von inen stôsen mit ir bichters râte^d), als sv o^vch gelopt hant, vb sv sich nvt^o) besseront. Wêre das de viere, de da vor genant^aa) sint, ald swele vnder den vieren denne lebti, von gulte ald von ander geschieht ze ir nôtdvrft^ab), vnd dv^ac) nôtdvrft wol merchlich||
wêre, bedorftin dis gv^otes^ad) ze verko^vfenne, das mvgen sv wol tv^on. Woltin wir danne^ae) dis^af) gv^ot ko^vfen, dar an svlen sv vns mer liben an dem ko^vfe denne^ag) andren. Woltin wirs nvt ko^vfen, swem svs danne^ae) verko^vfent, dem svlen wirs lien ze^ah) rectem erblên^ai). Swelo aber iemer nach den vieren koment, de mvgent dis^af) gv^ot niemer verko^vfen noch versezzen noch dehein weg vnserem gozhvse^ak) entfromden dur dehein ir nôt, sv svlen dis^af) gv^ot niessen^al), vb sv lebent, als da vor geschriben stat. Wêre das sv in dem Aspe nvt moctin sizzen von vrlig ald von ander geschicht^am), swa sv denne sizzent anderswa inrob drien milen^an) bi enander^ao) vnd gotlich lebent, so svlen sv das gv^ot niessen^al) mit allem nvzze, detin^ap) sv das nvt nach der vnderschidvnge, so da vor geschriben stât^d), so ist dis^af) gv^ot^aq) mit allem nvzze vns gevallen. Gant sv o^vch alle, de danne^ae) lebent, willeklich von disem^ar) gv^ote vnd lant vns es lidig, ald sterbent sv alle, da sv ze disem gv^ote nieman hant bestêt^as), so ist es o^vch vns lidig, noch hein dar nach dur rect ieman vmb dis gv^ot ze antwûrtenne. Alles das he geschriben stât^d) hein wir dv^ac) vorgenandv .. ebtischina vnd der conuent gelopt stêt ze hanne mit go^vter^at) trvwe^au), vnd binden o^vch alle vnser nachomen dis stêt ze hanne nach allen den gedingen, so an disem brieve^av) bescheiden ist. Vnd hant o^vch sv gelopt fur sv vnd alle ir nachomen vnd lobont^aw) o^vch an disem brieve^ax), dis stêt ze hanne nach allen den gedingen, so he geschriben stât^ay), bi ir trvwe^az) an eis eides stât^ba). Vnd das dis bi vns vnd allen vnseren nachomen stêt belibe âne allen kranc, so geben wir^bb) den vorgenanden vieren vnd allen ir nachomen ze einer gewerrer sikerheit vnd vrkvnde dir getât disen brief besigelt offenlich mit vnserem ingesigel. Dis beschach ze Wûrenspach in dem klostre, da von gottes geburte waren drvzehenhvndert jâr vnd drv vnd zwenzig iâr, an dem^bc) fvnfdem tage ze ingendem aprellen^bd). Wir Jacob von Kaltbrvnnen⁷ vogt, H. Gamlostein, H. der Amman⁸, Ber. der schv^olmeister, C. der Kerer, Hvnolt Kolbo, V^oI. von Rvsinkon⁹, H. von Walpersperg¹⁰, Andres Snepha¹¹ vnd R. der Brvnner¹², der rât ze Rapreswile, ze der vorgenanden fro^vwûm^be) von Wûrenspach vnd o^vch Heinrichs des Meiiers bette ze einem offennen vrkvnde dir gabe vnd dir getât vnd das es mit aller redlichi volfv^eret si vnd o^vch vor vns geoffenot wûrde, so geben wir inen disen brief besigelt offenlich mit der stat ingesigel. Dis beschach, als da vor geschriben stat.

Source Fulltext: Chartularium Sangallense V, Nr. 3183, S. 448-449.