Wir graff Johanns von Habspurg¹ künden allen den, die disen brieff sehend oder hören leßen, das wir schuldig seind ze gelten ze nechstem sanct Martins dult vnnserm diener herr Herman von Hynweil² ritter fünfftzig pfund pfennig Züricher geber müntz vnd ainen andern weg fünffpfund derselben müntz, vmb die vorgenannten fünfftzig pfundt gab er vnns fünfftzig stuckke korns, vnd zue ainer sicherhait ditz guotes so habend wir im ze giser^a) geben Hainrich von Walpersperg³ vnd Andreas Snepfen⁴, die mit threuwen hand gelobt, wehre, das wir den vorgenanten herr Herman oder seine erben, ob er nicht wehre, das vorgenannt gout^b) alles nicht||
richten noch gebind jem^c) tag, als vorgeschriben Stadt, so mag der vorgenannt herr Herman oder sein erben, ob er nit wehre, das vorgenannt guots alles an cristen oder an Juden nemmen auf vnnsern schaden, der gewonlich ist, vnnd seind die gisel gebynden ze laisten offen giselschafft, als ze Rasperschweile⁵ sitte vnd gewonlich ist, alle weil vntz wir den vorgenannten herr Herman vnd sein erben von hauptguot vnd schaden nicht erlößet hand gentzlich on allen geuar, welen weg auch der vorgenannt gisell ainer vnnütz wirt, so sollen wir im ainen andern als guot geben darnach in vier-zehen tagen, als er an vnns gefordert wirdt, oder der ander gisel soll sich antworten in die giselschafft ze laisten vngeuar, als vorgeschriben statt, alle weil vntz er geben nicht ist. Wir haben auch gelobt, dem vorgenannten von Hynweil vnd seinen erben vmb das vorgenannte hauptguot vnd vmb den schaden vnd auch die gisel vmbe die giselschafft von allen schaden ze wisenn, in den sy dauon kommend, ohn allen geuar. Vnd das dis alles wahr seye vnd stet beleihe, darumb geben wir vnnser innsigel an disen brieff zue ainem offnen vrkhundte der vorgeschribnen dingen. Dises geschach ze Ras-perschweile, da man^d) zalt von gottes gepurth 1323 jar, an der mittwochen ze außgehendem mertzen.

Source Fulltext: Chartularium Sangallense V, Nr. 3182, S. 447-448.