Wir graue Johans von Hapspurk¹ herre ze Raprehtzwile² kunden allen dien, die disen brief sehent alder horent lesen, || daz H. der Maier von Kaltprunnen³, Wernherz dez Maierz sun, vnser burger ze Raprehtzwile vur vns kam vnde || veriach offenlich, daz er dur got vnd dur siner sele hail willen vnd aller siner vordren sinu aigenen gu^eter daz Ober||aspe⁴, daz gůt uf dem Etzle⁵, daz vier stuki gilt an mulkenne, daz da haisset Legbuchz⁶, daz gůt ze Kempten⁷, daz da gilt funf stuki, daz da buwet Růdolf Salkenbacher, gegeben hat^a) aigenlich, reht vnd redelich dem .. abt vnd dem conuent dez gotzhusez ze Ruti⁸ dez ordens von Premonstrei in Kostentzer bistům, du der selbe vorgenant H. der Maier, Peter der Kerer, C. der Ber, Jo. der Banwart⁹ von in wider enpfangen hant ze lehen nach ir brief reht, jerlichez von ieglichem gůt ze gebenne ainen vierdunk wachsez ze vnser vrowen tult ze der liehtmez, vnd bat vns, daz wir den vorgenanden gaistlichen luten dem .. abt vnd dem conuent vnd ir gotzhuse gebin ain offen vrkunde dirre vergiht vnd dirre gabe mit vnsren brieuen vnd ingesigeln. Vnd wan daz billich ist, daz ich noch nieman gotez ordenunge vnd sin lop hinderren sol wan mit allem flîz vurderren, darumbe daz disu gift bi inen stet belibe, so gib ich disen gegenwrtigen brief ze ainem waren vrkunde nach sinre bette besigelt offenlich mit vnserm ingesigel. Diz besehach ze Raprehtzwile vf der burk, do man zalt von gottez geburt druzehenhundert jar, dar nach in dem dritten vnd zwainzigostem jar, an dem zinstak vor dem balmetak, do ze gegen waren dise gezuge^b), her V^oI. von Matzingen¹⁰ ritter, her Herman von Hunwile¹¹ ritter, der alt .. Markschalch von Basel, maister Berhtolt der schůlmaister, Jacob der Markschalch von Raprehtzwile, Hainr. der Arm vnd ander lute genůge.

Source Fulltext: Chartularium Sangallense V, Nr. 3180, S. 445-446.