Allen, die disen brief sehent oder ho^erent lesen, kunden wir^a) brůder Hvg von Werdenberch comen||dûr der brůdern des hvs ze Bůbinkon¹ ordens des spitals sant Johans von Jerusalem, daz wir || mit bedachtem můte den hof ze Tu^ebelndorf², der jerlich giltet siben mut kernen vnd zwei malter || habern, den Růdolf der Chelner von Tu^ebelndorf buwet, der selb hof von vnserm hvs ze Bůbinkon êrb ist vmb ein jerlichen cins ein vierdung wachs ze geben vnserm hvs jerlich ze vnser frowen liechtmes, dem erberen manne Růdolf Giel von Glatburch³ vnd fron Agnesen sinr êwirten vnverscheidenlich mit vnser hant vnd ortfrumi haben ze rechtem erb geliehen mit alr der ehafti, so si dar zů bedorften. Vnd ze einem offen vrkunde der||
vorgenanden lihenge vnd daz ez stete belibe, als daz da vorgescriben stat, dar vmb so geben wir vnsers hvs insigel an disen brief. Diz geschach zem vorgenanden hvs vnd wart dirre brief geben, do man zalt von gottes geburt druzehen hvndert jar, dar nach in dem sechzehenden jar, an dem nechsten gůtemtage vor vnser frowen liechtmes, in dem vierzehenden jar Romer stur jar.

Source Fulltext: Chartularium Sangallense V, Nr. 2953, S. 291.