Venerabili in Christo patri ac domino Gerh. dei gratia Const(antiensi) episcopo eiusque .. vicariis in spiritualibus et temporalibus generalibus || necnon .. iudicibus quibuscumque delegatis et subdelegatis Hainr. eadem gratia abbas totusque conventus || monasterii sancti Galli ordinis sancti Benedicti Const(antiensis) dyocesis obedientiam debitam et devotam. Cum in causa mota coram vobis || inter Eberh. dictum Seler sacerdotem presentatum a nobis .. abbate predicto ad ecclesiam Mo^erishusen ex morte sui rectoris vacantem ex una, Ru^edgerum dictum im Tvrne presentatum per Wilh. fratrem suum ad eandem ecclesiam ex parte altera, idem Wilh. suo presentato coram vobis assistens, iura proprietatis vel quasi dicti iurispatronatus coram vobis deduxerit, ne nobis vel nostro monasterio circa ipsum iuspatronatus preiudicium in posterum generetur, discretum virum magistrum Hainr. de sancto Gallo canonicum ecclesie sancti Johannis Const(antiensis) nostrum coram vobis ad agendum et defendendum, calumpnie et cuiuslibet alterius generis sa[crame]ntum^a) in animas nostras et suam prestandi^b) etiam super iurepatronatus predicto contra dictum Wilh. et suum presentatum syndicum et procuratorem constituimus generalem, dantes sibi plenam potestatem alium procuratorem et syndicum substituendi, quando sibi visum fuerit expedire, ratum et gratum habituri, quidquid per eundem nostrum procuratorem seu ab eo substitutum actum fuerit in premissis. Et ut idem noster procurator et ab eo substituti a satisdacionis onere releventur, promittimus pro ipsis iudicio sisti et iudicatum solvi sub rerum nostrarum monasterii^c) omnium ypotheca. Et vobis et omnibus, quorum interest, sub sigillis^d) nostris presentibus duximus intimandum. Dat. apud sanctum Gallum, anno domini M°.CCC°. XVI°. feria sexta post dominicam, qua cantabitur Invocavit, ind. XIIII^a.

Source Fulltext: Chartularium Sangallense V, Nr. 2961, S. 295.