Gerh. dei gratia Constantiensis episcopus¹ omnibus presentes litteras inspecturis salutem cum noticia subscriptorum. Noverint || universi et singuli tam presentes quam posteri, quibus nosce fuerit oportunum, quod constituti in nostra presencia viri providi || et discreti V^olricus et Ebirh(ardu)s fratres dicti de Svlms², qui bona et possessiones ipsorum videlicet curiam dictam Ruti³ || et molendinum ibidem sita prope villam Amergeswile⁴, que a nobis et ecclesia nostra Constantiensi tenuerunt in feodum, cum omnibus ipsorum iuribus et attinenciis quibuscumque pro certa quantitate peccunie vendiderunt hospitali oppidi sancti Galli^a)5 seu provisoribus et pauperibus dicti hospitalis, eadem bona et possessiones predictas cum omnibus iuribus et attinenciis suis nostris manibus resignarunt ac de illis discretum virum .. dictum Snewis civem Constantiensem nomine dicti hospitalis necnon provisorum ipsius et pauperum tamquam fidelem portitorem eorundem a nobis infeodari humiliter petierunt. Nos itaque predictorum fratrum iustis peticionibus annuere cupientes, recepta ad manus nostras resignatione prefatorum bonorum et possessionum earundem videlicet curie in Ruti et molendini ibidem, prelibatum Snewis nomine supradicti hospitalis provisorum et pauperum de illis cum omnibus suis iuribus et attinenciis tamquam fidelem||
portitorem ipsorum quo ad bona et possessiones predictas infeodavimus et tenore presencium infeodamus, adhibitis per nos ad premissam infeodationem verborum et gestuum sollempnitatibus debitis et consuetis. In cuius rei evidentiam nostrum sigillum presentibus est appensum unâ cum appensione sigilli V^olr. de Svlms prefati. Ego V^olricus de Svlms predictus unâ cum Ebirh(ard)o fratre meo prefato premissa omnia et singula recognoscimus esse vera, appendens meum sigillum, quo et ego Ebirh(ardu)s predictus utor, cum proprio caream, presentibus litteris in evidentiam omnium premissorum. Dat. Constantie, presentibus honorabilibus dominis .. domino de Strasberg⁶ canonico Constantiensi, Hugone comite de Bůchegge⁷, Johanne de Porta rectore ecclesie in Koppingen⁸, Walt. de Nunkilch⁹ canonico sancti Johannis Const(antiensis)¹⁰, Fr. in Turri milite, .. dicto Totenacher monetario¹¹ et H. de Rinegge¹², anno domini M°CCC°XV°. V°. kal. novembr., indic. XIIII^a.

Source Fulltext: Chartularium Sangallense V, Nr. 2944, S. 287.