Dicit et proponit in iure coram vobis honorabilibus dominis vicariis generalibus reverendi in Christo patris ac domini Gerh. dei gratia Constantiensis episcopi¹ Eberh. dictus Seler sacerdos socius in Wile², quod ipse ad vacantem ecclesiam Mo^erinshusen³ ex motte quondam H. de Mo^erishusen⁴ rectoris eiusdem est vestre reverentie legittime presentatus per venerabilem patrem et dominum H. dei gratia abbatem monasterii sancti Galli⁵, cui iuspatronatus ipsius ecclesie seu presentandi ad eandem pertinet et pertinuit ab antiquo, qui et predecessores sui nomine dicti monasterii sancti Galli est et fuerunt in possessione dicti iurispatronatus seu presentandi quieta et pacifica. Quare petit inplorando vestrum officium, quatenus ipsum de cura animarum dicte ecclesie, amoto^a) ab eadem quolibet illicito detentore, investiatis et decernatis investiendum ipsumque in possessionem corporalem dicte ecclesie faciatis induci vestra sententia mediante, non obstante indebita contradictione Ru^edegeri im Turne de Scafusa⁶, Wilhelmi fratris sui, que^b) idem frater suus ad dictam ecclesiam dicitur presentasse, quibus ipse sacerdos super dicta indebita oppositione et contradictione ipsorum petit perpetuum silentium imponi sententiam per eandem. Hec petit et dicit iuris beneficio addendi, minuendi, corrigendi, declarandi in omnibus sibi salvo. Nec astringit se ad probandum omnia premissa, sed ad id vel ad ea, que sibi pro sua intentione fundanda sufficere videbuntur, protestatur etiam expensas in lite faetas et faciendas sibi fore salvas. Huic libello respondendum est feria sexta post octavam pentecostes proxima coram nobis. Datum Constantie sub sigillo episcopali, anno domini M°CCC°XV°. XVI°. kl. maii, indic. XIII^a.

Source Fulltext: Chartularium Sangallense V, Nr. 2923, S. 276-277.