Officialis curie Constanciensis omnibus presencium inspectoribus subscriptorum noticiam cum salute. Comparentibus coram nobis in figura iudicii feria sexta post festum beati Barnabe apostoli proxima in choro Constanciensi rectore ecclesie saneti Laurencii apud sanctum Gallum¹ ex una et Heinrico dicto O^emen de Re^atenberg² ex parte altera, prelibato rectore suo et ecclesie sue nomine predicte petente prefatum H. sibi per nos compelli ad dandum et assignandum eidem quatuor modios tritici mensure oppidi saneti Galli ratione deeime de possessionibus curie dicte Capelle³ am Rudimunt⁴ olim pertinentis dictis Spiser civibus apud sanctum Gallum debitos annis singulis sibi et ecclesie prenotate nostra sentencia mediante ecclesiasticam per censuram, predicto Heinrico in contrarium asserente se tantum debere assignare ecclesie predicte decimam partem fructuum provenientium annis singulis de possessionibus decimalibus curie antedicte. Sicque dictis partibus super premissis se nostre pronuntiacioni submittentibus diffinitive spontanea voluntate iuris strepitu pretermissa habitoque super hoc consilio peritorum per nostram pronunciamus diffinitivam sentenciam in hiis scriptis memoratum Heinricum dictum O^emen debere dare et assignare de possessionibus curie sepedicte et in agris dietarum possessionum decimalium dicte ecclesie decimam partem fructuum annis singulis proveniencium, ita tamen quod dictus rector vel sui qui pro tempore fuerint successores huiusmodi decimam in agris repositam sub ipsorum dampno recolligere debeant et expensis. In cuius rei testimonium sigillum curie nostre Constanciensis presentibus duximus appendendum. Dat. Constancie anno domini millesimo CCC^mo XIIII^mo, predicto die, ind. duodecima.

Source Fulltext: Chartularium Sangallense V, Nr. 2894, S. 260-261.