Allen, die disen brieff sehend oder ho^erend lesen, kunden wir Lutolt vnd o^vch Cůnrat die schenken von Landegg¹ gebrůder, das Adelheit die Husner, die ein frig wib was von allen ir vier anen, das gu^etli, dz da heist Strassgu^ot², das ir frig eigen was vnd dar uber wir vo^egt sigin, mit vnsers vatter seligen willen gab recht vnd redlich vff des riches strass dem armen spital ze sant Gallen³, vnd dise gab ward nach vnsers vatter seligen⁴ tod genuwert mit vnser beider gůten willen vnd gunst. Vnd ist dise gab besehenen mit allen den Worten vnd geta^eten, die man von gewonheit ald von geschriben rechten han sol in so^elichen gaben. Vnd dz dis war sig vnd sta^et belib, dar vmb geben wir dem vorg(enanten) spital disen brieff besigelt mit vnser beider insigel ze einem sta^eten vrkund. Der geben ist ze sant Gallen am zwo^elfften tag meyen nach gottes geburt druzehen hundert vnd einliff jare.

Source Fulltext: Chartularium Sangallense V, Nr. 2780, S. 198-199.