Magister Růd. de Wediswile¹ canonicus ecclesie Thuricensis vices gerens honorabilis domini K. de Toggenburg eiusdem ecclesie prepositi² universis^a) II present(ium) inspect(oribus) subscriptorum noticiam cum salute. Meminimus nos dominabus religiosis .. abbatisse et conventui cenobii in || Wurmspach³ ordinis Cysterciensis olim litteras seu instrumenta tradidisse super aliquibus possessionibus, quas Johannes dictus Scho^enne || eidem cenobio ac Agneti et Ite filiabus suis ibidem conventualibus, in quo et ipse Johannes in habitu tamen seculari votum vovit, se deo ibidem serviturum, tradidit et donavit. Et quia eedem abbatissa et conventus se asserunt dictas litteras seu instrumenta amisisse, venit ad nos dictus Johannes Scho^enne in ambitum ecclesie Thuricensis confitens et recognoscens se dedisse . . abbatisse et conventui supradictis possessiones suas in Rospach⁴ infrascriptas^b), quas a nostra ecclesia pro censu annuo, sicut in nostris libris censualibus invenitur, iure hereditario possedit, videlicet agros in Rospach de novo in vineam redactos, ut eisdem dictum cenobium ad presens libere utatur, item vineam trium iugerum dictam daz Hornlehen predictis possessionibus contiguam similiter eisdem .. abbatisse et conventui tradidit sub hac condicione, ut prefata vinea dicta daz Hornlehen eidem Johanni serviat pro tempore vite sue in usufructu, post mortem vero dicti Johannis Agneti et lte filiabus suis conventualibus predictis usufructus dicte vinee similiter serviat pro tempore vite ipsarum insolidum, ita videlicet, ut una ipsarum decedente reliqua teneat ipsius vinee pro tempore vite sue usufructum, quodque dicta vinea post mortem sepedicti Johannis, Agnetis et Ite filiarum suarum ad dictum cenobium pertineat pleno iure hereditario, sicut ipse hactenus habuit a nostra ecclesia pro censu consueto annis singulis solvendo ecclesie nostre prelibate, petensque dictus Johannes a nobis, ut eisdem .. abbatisse et conventui de novo litteras renovacionis, recognicionis et confirmacionis rerum supradictarum traderemus. Nos ad dictorum Johannis, . . abbatisse et conventus in Wurmspach peticionem instantem accedente etiam ad hoc Gu^ete uxoris Johannis prelibati, Bertoldi sacerdotis et Elizabet liberis^c) eorundem Johannis et Gu^ete consensu libero et expresso dictam renovacionem et recognicionem de consensu et scitu capituli ecclesie nostre confirmavimus et tenore presencium confirmamus, ita tamen, ut eedem .. abbatissa et conventus et que pro tempore fuerint censum ecclesie nostre solvant de possessionibus antedictis annis singulis, sicut in nostris libris seu rodalibus censualibus reperitur. In quorum omnium evidenciam et perpetuam firmitatem presentes litteras eidem cenobio tradidimus sigillo nostro patenter communitas. Dat. Thur(egi), anno domini M°.CCC°.XI. IX.kal. marcii, indic. IX^a.

Source Fulltext: Chartularium Sangallense V, Nr. 2773, S. 194-195.