Universis presentium inspectoribus Krafto comes de Toggenburg canonicus ecclesie Constanciensis necnon prepositus II ecclesie Thuricensis¹ noticiam subscriptorum. Noverint quos nosse fuerit oportunum, quod nos V^olricum dictum || Steiner natum Mecht. sororis V^olr. dicti Huges de Vtzna² condicione servili nobis pertinentem, qui II etiam V^olr. nobis triginta quinque marcas argenti puri et legalis ponderis Thuricensis in evidentem nostram utilitatem liberaliter tradidit et assignavit, cum omni iure, quod nobis competiit in eodem, ob honorem beatorum martirum Felicis et Regule monasterio abbatie Thuricensis³ Constantiensis dyocesis donavimus, vendidimus atque tradidimus et presentibus tradimus et ad maius altare resi-gnavimus et ipsum a nostra potestate manu dominio ac ab omni condicione et gravamine operis et operarum penitus liberamus et eximimus, remittentes ei omne ius patronatus, ita quod generalem habeat amministrationem rerum suarum et quod possit emere vendere donare contrahere pacisci, in iudicio stare, testamentum facere et omnia et singula exercere, que quilibet civis dicto monasterio pertinens facere potest, ac si de ancilla ipsius monasterii natus foret. Et promittimus pro nobis nostrisque heredibus et successoribus dicto monasterio et V^olr. prefato et omnibus ex eo descendentibus stipulante, predictam donationem, venditionem ac traditionem et omnia et singula suprascripta perpetuo firma et rata habere et tenere et non contra facere vel venire per nos vel per alios aliqua causa ingenio de iure vel de facto. Et ad prestandum warandiam debitam et legittimam dicto monasterio pro V^olr. memorato nos et nostros^a) successores presentibus firmiter obligamus. In cuius rei evidentiam presentem cartam duplicatam venerabili in Christo .. abbatisse^b)4 monasterii predicti et V^olr. prefato tradimus sigilli nostri videlicet prepositure predicte munimine roboratam. Acta sunt hec in choro monasterii prefati, presentibus magistro V^olr. dicto Wolfleibschen thesaurario ecclesie nostre predicte Thuricensis⁵, Růd. plebano monasterii prefati, Růd. Molendinatore⁶ seniore, Růd. fratri^c) suo militibus, Joh. Peregrino⁶ seniore, Peregrino fratri^c) suo, .. dicto Pfung, Joh. dicto Wolfleibschen iuniore ac aliis quam pluribus fidedignis, sub anno domini M°.CCC°.X°. XV. kaln. novenb. ind. IX^a.

Source Fulltext: Chartularium Sangallense V, Nr. 2757, S. 188-189.