Wir grave Friderich von Toggenbvrg¹ tv^egen kunt allen dien, die disen brief ansehent lesent old ho^erent lesen, || de wir ain an sprachvn an den erberrvn herren abbet Cv^onrat vnt sin gotzhuz von Vischinvn² vmbe svmllich lvtv hatton vnt vmb svmlieh lvte ze Costenze³, die hie nach gescriben stant an disem gegenwrtigen brie||ve, Heinrichz selegen Haggen von Schalchvsen⁴ .. mv^oter vnt alles de gesiecht, de von ir bekomen ist older kvnt, vnt Jvdentvn Walthers des Wimans elich wirten von Zezinkon⁵ vnt alles de gesiecht, de von der vorgenandvn Jvdentvn komen ist old noch komen mag, vnt Adelheit V^ol. elich wirtennv von Bv^owile⁶ vnt alles de geslech, de von ir komen ist old noch komen sol. Der vor genande krieg vnt ansprachvn wart fvr vns ze tagen bracht in vnser stat ze Liechtensteig⁷, da zegegen wrti waren vnser lieber brv^oder grave Kraft von Toggenburg⁸, abbet Cv^on. vnt zwen konvent brv^oder her Johans vnt her Jacob des vorgenanden gotzhvz von Vischinon, her Cv^on. der ritter von Kasteln⁹, der ze dien ziten vogt vnt phleger wc der bvrg ze Tanneg¹⁰ vnt swc dar zv^o ho^ert, vnt wart da mit vnser beider willen min des vorgenanden graven Friderichs vnt abt Cv^on. von Vischinon vnt sins konvents vnt hern Cv^on. des vor genandvn von Kasteln dvrch bette vnt mit rate mins vor genanden brv^oder graven Kraftes vnt ander erber lvte also mit einem ende eweklich berichtet, de wir der vorgenande grave Friderich willeklich vnt gv^eteklich fvr vns vnt fvr vnser rechten erben vnt fvr alle vnser nachkomen eziehen vnt ezihen habvn gegen dien vor genanden gogtzhvzern^a) aller der ansprach^b) vnt alles des rechtes, so wir hatton older habvn mochtin an dien lvten, so hie vor gescriben stant, vnt vriehen, de wir fvr disen tag vnt dannan iemer mer vn hein^c) recht an den vorgenanden lvten noch an cheim ir nach komen haben noch haben svln. Vnt dar vmbe so haben wir enphangen von den vor genanden gozhvsern drisg XXX. pfvnt pfennige Costenzer muze^d), die in vnsern nvz komen sint, als wir vergehen an disem gegen wurtigem briefe. Vnt de dis stete vnt vest belibe, dar vmb so geben wir^e) der vor genande grave Friderich den vor genanden abbet Cv^on. hern Cv^on von Kasteln disen brief besigelten mit vnserm gewerten ingesigele nach allem dem rechte, so hie vor gescriben stat, gegen dien vor genanden gozhvsern. Des sint gezvge, die zegegenwrte da warvn, her W^ol. der ritter von Mvnchwile¹¹, W^ol. Gesn^ede¹² der schvltheis von Liechtensteig, Ber. der Lo^ebler, H. a dem Hvs, Friderich von Lamprechtswile¹³ vnt W^ol. sin svn, Walther von Langenhart¹⁴, H. Blo^edeli amman von Tanneg vnt ander erber lvte genv^oge. Dis beschach ze Liechtensteig in vnser stat, do man zalte von gottes gebvrte^f) CCC. jar vnt dar nach in dem X. jare, an dem nechsten mendage vor sant Michels dag.

Source Fulltext: Chartularium Sangallense V, Nr. 2755, S. 187-188.