Dem erwirdigen fúrsten vnd herren hern Kůn von Sto^effeln apt zů sant Gallen¹ embút ich Růdolff graff zů || Hohemberg² minen willigen dienst berait zů a^ellen ziten. Lieber herr^e, ich la^vn v´ch wizzen, daz ich mit dem hoh||gebornen fúrsten vnd herren hertzog Lúpolten hertzog zů O^esterrich³ etc. minem gna^edigen herren aines ko^vffes || v´berain komen bin von der lehen wegen, die ich von v´ch vnd v´werm gotzhus ze lehen ha^vn, vnd send vnd gib v´ch vff mit disem brief die selben lehen mit disem brief vnd bitt v´ch, daz ir die selben lehen fúro lihent dem obgenanten minem herren von O^esterrich. Mit vrkúnd diß briefs, daran ich min aigen insigel offenlich gehenckt ha^vn. Der geben ist ze Prugg⁴ in Ergo^ew an der na^ehsten mitwochen vor a^eller hailigen tag nach Cristus gebúrt drútzehenhundert jare, darnach in dem ainem vnd ahtzzigosten jar^e.

Source Fulltext: Chartularium Sangallense IX, Nr. 5875, S. 539.