Officialis^b) curie Constanciensis omnibus presencium inspectoribus subscriptorum noticiam cum salute. Ut ea, que fiunt in tempore, per labilitatem temporis detrimentum non paciantur, expe||dit ea scripturarum et litterarum testimonio perhennari. Noverint igitur universi, quos nosce fuerit oportunum, quod constitutus coram nobis anno domini millesimo trecentesimo septuagesimo sexto, || feria secunda post festum exaltacionis sancte crucis proxima iudicii in figura discretus vir Hainricus dictus Wiener civis Constanciensis submittens se in hac parte ex certa sciencia et causa nostre || iurisdictioni non vi nec metu coactus nec dolo aliquo ut asseruit circumventus sed sponte et libere bona et matura deliberacione et tractatu sollempni et sepius inter ipsum prehabitis fatebatur in iure coram nobis et publice confessus fuit et est pro se et heredibus ac successoribus suis singulis et universis se iusta et recta vendicione et iusto vendicionis titulo vendidisse et vendendo tradidisse et presentibus etiam coram nobis vendidit et vendendo tradidit religiosis in Christo priorisse et conventui monasterii sanctimonialium sancte Katherine siti in suburbio opidi saneti Galli ordinis Predicatorum et regule sancti Augustini Constanciensis diocesis et ipsarum successoribus et dicto ipsorum monasterio unam curiam suam ac unum molendinum suum sitam et situm ze dem Obern Sibenaych, quibus possessiones dieta das Vnder Sibenaych pertinentes dicto de Rosenberg et . . dicto Roten von Wart^c), que curia et quod molendinum olim quondam V^olrici in der Búnd olim advocati civitatis Constanciensis et filiorum suorum fuerunt et eisdem pertinebant, cum omnibus et singulis pertinenciis ad ipsam curiam et molendinum predictum ze dem Obern Sibenaich pertinentibus videlicet cum agris pratis silvis nemoribus pascuis virgultis aquis aqueductibus viis et biviis necnon omnibus et singulis iuribus et pertinenciis ad dictam curiam et molendinum predictum ze dem Obern Sibenaych pertinentibus nominatis et non nominatis inventis et inveniendis censuales a reverendo in Christo patre ac domino episcopo Constanciensi sub onere annui census videlicet unius fertonis cere ponderis Constanciensis de dictis curia et molendino ze dem Obern Sibenaych domino episcopo Constanciensi pro tempore existenti et ad cameram eiusdem singulis annis in festo purificacionis beate Marie virginis absque omni protraccione solvendi et dandi pro quadringentis viginti et tribus libris denariorum Hallensium, quos et quas predictus Hainricus venditor fatebatur se ab ipsis priorissa et conventu emptricibus ex certa sciencia numeratos recepisse et in numerata peccunia habere et in usus suos utiles et neccessarios ac evidentes convertisse et conversos fore, resignans eciam coram nobis dictus Hainricus Wiener venditor sponte et libere et ex certa sciencia omne ius et omnem accionem requisicionem et impeticionem sibi et heredibus ac successoribus suis in prescriptis curia et molendino ze dem Obern Sibenaich iuribus et pertinenciis earundem competentes seu quovismodo et ex causis et racionibus quibuscumque usque in hunc diem competere valentes et transferens pure et simpliciter ac integraliter et in totum libera et spontanea voluntate dolo et fraude penitus semotis suo et heredum ac successorum suorum nomine per resignacionem debitam et sollempnem ad manus earundem priorisse et conventus et successorum ipsarum, dans et concedens dictis priorisse et conventui et earum in dicto monasterio successoribus seu successtricibus universis ex nunc inantea prescriptarum curie et molendini iurium et pertinenciarum earundem plenam amministracionem ac utile dominium earundem curie et molendini venditarum et effectualiter traditarum possessionem liberam et vacuam subintrandi apprehendendi nanciscendi usum capiendi plenariam potestatem. Promisit insuper prefatus Hainricus fide ab ipso nomine sacramenti corporaliter prestita sollempni interposita stipulacione predictas vendicionem et tradicionem inviolabiliter ratas et gratas habere et tenere perpetuo atque firmas sub ypotheca et obligacione omnium rerum suarum pro se et heredibus ac successoribus suis universis et contra ipsam vendicionem ut premittitur rite et legitime factam numquam facere vel venire per se alium vel alios seu interpositas personas necque contravenire volenti aliqualiter consentire in iudicio vel extra iudicium imposterum vel adpresens de facto vel de iure quovis quesito ingenio vel colore directe vel indirecte. Cavit eciam prefatus Hainricus Wiener venditor de eviccione rei vendite et promisit prefatis emptricibus, si occasione rei vendite quovismodo a quocumque seu quibuscumque turbarentur seu inquietarentur, fideliter et efficaciter assistere sub propriis suis dampnis periculis sumptibus et expensis et prestare de ipsa re vendita dictis emptricibus et earum in dicto ipsarum monasterio successoribus universis debitam et legitimam warandiam secundum consuetudinem civitatis Constan(cie) et terre communem et generalem ad spacium decem annorum proxime ex nunc et inmediate venturorum et subsequencium de inmunitate et perseverancia atque firmitate empcionis et vendicionis predictarum. Renunciavit insuper prefatus Hainricus Wiener et presentibus renunciat pro se et heredibus suis singulis et universis in et super premissis excepcioni doli mali in factum accioni debite sollempnitatis non adhibite decepcionis et excepcionis cuiuslibet peccunie non numerate non tradite non solute litteris graciis habitis seu obtentis vel imposterum obtinendis per se vel alios a sede apostolica vel aliunde necnon iuribus consuetudinibus et constitucionibus universis civitatum opidorum villarum et locorum quorumcumque editis et edendis omnique iuris auxilio canonici et civilis, quibus mediantibus iuvari facere vel venire possent contra ea, que in presentibus litteris continentur, in toto vel in aliqua sui parte, adhibitis in premissis et circa ea verborum et gestuum sollempnitatibus et renunciacionibus debitis et consuetis, necnon excepcioni, qua dicitur quod generalis excepcionum renunciacio inefficax existat, supplentes insuper omnem defectum auctoritate nostra ordinaria in quantum possumus et debemus, siquis in ||
huiusmodi negocio postmodum forsitan appareret. Et in premissorum omnium et singulorum testimonium et roboris firmitatem sigillum curie Constanciensis ad instantes supradicti Heinrici venditoris preces unâ cum sigillo proprio eiusdem Hainrici Wiener venditoris presentibus duximus appendendum, quibus et ego Hainricus Wiener civis Constanciensis sepedictus ad maiorem certitudinem firmitatem et cautelam omnium premissorum recognoscens premissam vendicionem et omnia et singula premissa per me modo premisso esse facta meque et heredes ac successores meos universos ad ratihabicionem ac inviolabilem observacionem omnium premissorum firmiter astringens sigillum meum proprium unâ cum sigillo prelibati domini officialis curie Constanciensis duxi eciam appendendum in evidenciam omnium premissorum. Datum Constancie anno et die quibus supra, indictione XIIII^a. R.

Source Fulltext: Chartularium Sangallense IX, Nr. 5534, S. 207-209.