Wir Heinrich von gotz gnaden bischof ze Costentz¹ tu^en kunt allen lúten an disem || brief, daz fúr vns kam gen Gotlieben² in vnser burg vff den nechsten samstag nach || sant Gallen tag die erber fro^vw Anna die Schenkin von Landegg³ wilent Cůnzen || Koppens seligen elichú husfro^vw, vnd offentú da vor vns, daz der eg(enant) Cůntz Koppe núwelich tod vnd verfarn were vnd daz der hinder im verlassen hettú ein hůb vnd ein schůpposs sind gelegen ze Lach⁴, die selben gu^eter von vns vnd vnserm gotzhus lehen sind, vnd bat vns die eg(enant) Anna, daz wir ira daz vorgeschriben lehen lihen^a) zů ir vnd ir kinden handen gemeinlich, der bette ereten wir sú do ze stund von sundern gnaden vnd lihen ira zů ir vnd ir kinden handen mit hand vnd munde daz vorgeschriben lehen nach lehens recht vnd alz verre wir von recht solten vnd mochten mit alr der behúgde worten vnd werken, so dar zů von recht oder von gewonheit horte vnd notdúrftig was, mit vrkúnd diz briefs versigelt mit vnserm hangenden insigel. Der geben ist ze Gotlieben an^b) dem vorgeschriben tag in dem jare, do man von Cristez gebúrt zalt drúzehen hundert vnd fúnf vnd sibentzig jar.

Source Fulltext: Chartularium Sangallense IX, Nr. 5474, S. 142.