Wir die nachgenemten Hainrich von Kempten¹ vnd Albreht von Lindenberg² veriehen mit vrkúnd dis briefs || allen den, die in ansehent lesent oder ho^erent lesen, daz wir willeklich mit bedahtem můt gesworn habent ietweder || ainen gelerten aid zů den hailigen mit vfgehepter hant, daz wir die lantlút gemainlich ze Appazelle³, ze Hunt||wille⁴, ze Túffen⁵, ze Vrna^eschen⁶ vnd die dar zů geho^erent vnd gehaft sint bi allen iren rehten frihaiten vnd gůten gewonhaiten, die sú von v´nsern herren abt Georien dez gotzhus ze sant Gallen⁷ vnd von sinen vordern gehept hant, so^ellent lassen beliben, die wil wir pfleger sint dez vorgenemten gotzhus, als die brief wisent vnd sagent, die sú darumb von v´nserm vorgenemten herren vnd von sinen vordern hant, ân alle geua^erde. Bescha^ech o^vch, daz v´nser vorgenemter herre abt Geori abgieng von todes wegen, die wil die bungnúst enzwischent im vnd graf Růdolf von Veltkilch⁸ werti vnd wir o^vch pfleger dez vorgenemten gotzhus wa^erint, so súllent wir o^vch swerren, die selben bungnúst ze haltenn, alz der brief wist vnd sait, der darumb geben ist, nach dem so v´nser vorgenemter herre abgangen ist, inwendig den na^ehsten vierzehen tagen, so darnach koment, ân alle geua^erde. Wa^er aber, daz wir dez niht ta^etint ald nút tůn wo^eltin, so sont sú dez aides, so sú v´ns von dez selben gotzhus wegen gesworn hant, von v´ns ledig sin vnd los. Vnd ze ainem wâren vrkúnd vnd gantzzer sicherhait aller der vorgeschribenen dinge so haben wir die vorgenemten Hainrich von Kempten vnd Albreht von Lindenberg v´nserú insigel gehenkt an disen brief. Der geben ist ze Appazell an dem na^ehsten sunnentag vor sant Martis tag in dem jâr, do man zalt von Cristus gebúrt drúzehenhundert jâr, sibenzig jâr vnd darnach in dem fúnften jâre.

Source Fulltext: Chartularium Sangallense IX, Nr. 5477, S. 145.