Dem erwirdigen ffúrsten minem gna^edigen herren abt Georyen des gotzhus ze sant Gallen¹ || emb(iet) ich V^olrich in der Búnd der alt vogt burger ze Costentz minen willigen dienst vnd send || v´ch vff an v´wer hand bi Walther A^engellin burger ze Costentz den zehenden ze Germarshusen² || vff der Hůb³, den ich von v´ch vnd v´werem gotzhus ze lehen hab, vnd bitt v´wer gnad mit ernst, daz ir den selben zehenden mit aller zůgeho^erde lihen wellint Jacoben Hůber dem kramer burger ze Costentz durch jemer minen dienst. Vnd des ze ainer warhait der selben ding hab ich der selb V^olrich in der Búnd min insigel gehenkt an disen brief. Der ist ze Costentz geben, do man von Cristes gebúrt zalt drúzehenhvndert jar, darnach in dem vier vnd sibentzigosten jar, an sant Fyden abent.

Source Fulltext: Chartularium Sangallense IX, Nr. 5419, S. 95.