Wir der bûrgermeister die ra^et vnd bûrger gemeinlich der stat Zúrich thůn kûnt vnd veriehen offenlich, dz wir durch nûtz vnd fromen v´nser stat gemeinlich vier guldin^a) gůter vnd ga^eber an gold vnd mit rechter gewicht jerlicher gúlt vff v´nser statt winvngelt mit allem recht, so dar zů geho^ert, recht vnd redlich ze ko^vffen geben haben Arnolt Smit von Jonen¹ v´nserm burger vmb acht vnd vierzig guldin gůter vnd ga^eber an gold vnd mit rechter gewicht, der wir gar vnd gentzlich von im gewert sijen vnd in vnser stat gůten nûtz komen sint, den selben zins wir im vnd sinen erben, ob er enwere, jerlich richten vnd weren súln hie Zúrich in v´nser stat ze vier ziten in dem jâr ze jeklicher fronvasten I guldin ane fúrzûg. Vnd dz der selb Arnolt Smit vnd sin erben, ob er enwere, der vorgeseiten vier guldin jerlich dester sicher sijen, so hant im jetz v´nser winvngelter Chůnr. Holtzach, Wernher Biberli vnd Jacob Hentscher si all drij mit gůten trúwen gelopt vnd des offenlich ze den heilgen gêsworn, dz si all die wile, so si v´nsers winvngeltes pflegent vnd dz in nement, dem obgen(anten) Arnolt Smit vnd sinen erben, ob er enwere, die vorgeseiten vier guldin jerlich richten vnd weren súlent ze den zilen, als vorgeschriben ist, an all geuerd. Dar zů haben wir der rat Zúrich fúr v´ns vnd v´nser nachkomen mit gůten trúwen gelopt, dz wir all die, dien v´nser statt winvngelt hie nach iemer empfolhen wirt, heissen vnd wisen súlent, dz si vor an swerren, dem obgen(anten) Arnolt Smit vnd sinen erben, ob er enwere, die vorgeseiten vier guldin jerlich ze richten vnd ze weren, als vorgeschriben stat. Wir haben o^vch gemeinlich fúr v´ns vnd v´nser stat nachkomen mit gůten trúwen gelopt, der vorgeseiten vier guldin geltz vf v´nser stat winvngelt mit allem recht, so dar zů geho^ert, wer ze sin nach recht des vorgen(anten) Arnoltz Smitz vnd des erben vmb den vorgeschriben ko^vf vor geistlichen vnd vor weltlichen gerichten vnd mit namen an allen stetten, wo^b) vnd wenn si des notdürftig sint, an geuerd. Es ensol o^vch der vorgen(ant) Arnolt Smit noch sin erben die vorgeseiten vier guldin geltz fúrbas nieman fu^egen noch geben weder versetzen noch verko^vffen dann einem v´nserm ingesessnen burger vnd o^vch nit túrer, dann als er dz selb gelt ietz von v´ns ko^vfft hat, an geuerd. Wir haben o^vch v´ns selber mit bedingten worten vor behebt vnd hat v´ns der obgen(ant) Arnolt Smit die frúntschaft getan, dz wir vnd all v´nser statt nachkomen hinnan hin iemer mer die vorgeschriben vier guldin geltz wider ko^vffen vnd ablo^esen mûgen, wenn wir wellen, o^vch mit acht vnd vierzig guldin gůter vnd ga^eber an gold vnd mit rechter gewicht vnd mit dem zinse, so denn versessen ist, vnd ensol v´ns der ablôsung noch des widerko^vffes nieman^c) vor sin mit keinen sachen an all geuerd. Her v´ber etc. Dat. X. die augûsti anno domini millesimo CCC°LXX° tercio.

Source Fulltext: Chartularium Sangallense IX, Nr. 5369, S. 47-48.