Allen, die disen brief sehent oder ho^erent lesen, kúnde ich Eberhart von Bůchenstein¹, || als ich mich in des burgermeisters . . des rates vnd der burger dienste von Zúrich || verbunden hatte, das ich da von dem selben burgermeister vnd dem rate ze Zú||rich gar vnd gantzlich bericht vnd gewert bin alles des gůtes, so si mir von solde oder von meiden oder dekeines weges schuldig waren vntz vf disen húttingen tag, als dirre brief geben ist, vnd sagen si vnd ir nachkomen fúr mich vnd fúr min erben, die ich hie zv^o binde, her vmbe gantzlich ledig. Vnd des ze vrkúnde so han ich min insigel offenlich gehenket an disen brief. Der geben wart ze Zúrich an dem nehsten fritag vor vnser frowen liechtmesse, do von gotz gebúrt waren drúcehen hundert vnd drissig jar vnd dar nach in dem achtoden jare.

Source Fulltext: Chartularium Sangallense VI, Nr. 3677a, S. 552-553.