Wilhelmus dei gratia abbas monasterii sancti Galli¹ totusque conventus monasterii eiusdem omnibus presens scriptum intuentibus salutem || in domino et notitiam subscriptorum. Ne res gesta oblivionis corrosa ferugine nonnumquam discensionis valeat materiam exhibere, || expedit, ut litterarum memorie commendetur. Noverint itaque universi et singuli Christi fideles, quos nosce fuerit oportunum, quod || cum dilectus ministerialis nostri monasterii dominus Egl. de Rosinberg² quasdam possessiones comparaverit pro dilectis in Christo . . abbatisse^b) et conventu monasterii in Magginowe³, quarum proprietatem nobis nostroque contribuit monasterio et a nobis recepit in feodum, ad peticionem eiusdem dicteque abbatisse et conventus, communicato sapientum consilio ac intuentes nostri monasterii utilitatem, obligationem huiusmodi subintravimus, quod salvis nobis censibus et aliis iuribus quibuscumque nostro monasterio debitis a monasterio in Maginowe memorato, sineremus et permitteremus, ut sepefata . . abbatissa et conventus de possessionibus, quorum^b) nobis pertineret proprietas, septem marcharum redditus compararent, ita ut eorundem reddituum proprietas ex donatione et licentia nostri dicto monasterio in Magginowe pertineret, sicut in instrumento super hoc confecto plenius continetur. Et quia prelibati abbatissa et conventus per manus nostras rite et legitime has possessiones compararunt, videlicet in villa ze Swarcinbach⁴ curiam quondam dicti de Luterberg⁵ solventem XIII frusta, item possessiones dictas der Omin⁶ gůt solventes I quartale et VI frusta, item ibidem quandam advocatiam quarundam proprietatum solventem I denarium et III solidos, item in villa Gebrehzwiler⁷ curiam dictam bi dem Bach solventem XI frusta, item ibidem possessiones quondam Wernh. de Breginsdorf⁸ solventes III frusta et VI denarios, item in villa Bacinhaede⁹ decimam, que fuerat H. de Yberg¹⁰, solventem V frusta, et decimam ze dem A^echbuel¹¹ solventem II frusta, item ze O^etenwile¹² decimam unum frustum solventem, que similiter due decime fuerant H. de Yberg, item in curia ze Sigiswiler¹³ decimam quondam dicti de Vurberg¹⁴ solventem I frustum, item ze A^enwile¹⁵ prope Vurberg possessiones quondam dicti de Vurberg redditus II frustorum, item in villa ze Tonrton¹⁶ curiam et decimam, que similiter fuerant dicti de Vurberg, solventes XXV frusta, item an der Staeg¹⁷ sub Ramsowe¹⁸ decimam solventem II quartalia, per quas possessiones pensantes suffitienter de redditibus VII marcharum ipsam abbatissam et conventum licentiam et reconpensationem habuisse, cupientes promissum nostrum et obligationem plenius exsolvere, proprietates dictarum possessionum cum suis iuribus et annexis in refusionem et reconpensationem possessionum conparatarum per dictum de Rosinberg pretacto monasterio in Magginowe damus tradimus et donamus cum omni sollempnitate iuris verborum et gestuum debita et consweta, ita tamen, ut in nostris censibus et iuribus nichil nobis nostroque monasterio depereat ex donatione huiusmodi quovismodo alias preter contributionem memoratam. Volumus etiam per hoc exonerari ab oligatione^b) premissa et esse ab eadem penitus absoluti. Promittimus insuper bona fide non contra venire verbo vel facto ac renuntiantes exceptionibus doli mali, beneficio restitutionis in integrum, litteris a sede apostolica vel aliunde inpetratis vel inpetrandis, deceptionis ultra dimid(ium) et generaliter singulis ac singulariter universis iuribus, per que contra premissa venire possit aliquis vel ea aliqualiter irritare. In horum autem evidentiam sigilla nostra duximus presentibus apponenda. Dat. apud sanctum Gallum, anno domini millesimo C°C°.LXXXXIX°. III. non. febr. ind. XII^a. Presentibus nobili viro Craftoni^b) de Togginburg comite canonico ecclesie Constantiensis¹⁹, Hug. comite de Jagberg²⁰, domino H. de Griessinberg²¹, domino V^olr. dicto Giel²², domino Bur. advocato de Wartinse²³, V^olr. dicto Giel²², Jo. de Lindinberg²⁴, Dieth. de Mos²⁵, V^olr. Advocatus^b), Jo. de Husen²⁶, domino Eber. de Bichilnse²⁷, C. de Gaenwile²⁸, . . filius^b) Bur. de Magilsberg²⁹ et aliis quam pluribus fidedignis.

Source Fulltext: Chartularium Sangallense IV, Nr. 2475, S. 534-536.