Ich^b) her Johans von Hůmlinkon¹ ritter kund allen dien, die disen || brief an sehent alde ho^erent lesen, das ich Chůnraten Stephan || von Ho^engge², der min len ist von Regensberg³, der sant || Gallen eigen ist, gibe zeinem rechten hindersezzen dem probste vnd dem capitel von Zurich⁴ uf den meierhof ze Ho^engge, also das si recht gegen dem selben Chůnrate Stephan heigin nach des landes gewonheit fur ein rechten hindersezzen. Ich binde mich o^och des, das ich sunderdienste an den selben Chůnraten Stephan nit vordre ze dienste noch ze sture, wan dar nach als ich gemeinlich an die andern lute, die des gotshuses sint, vordren, die in der vogtege sint ze Ho^engge. Vnd darvmbe das dis stete vnd veste si, so gib ich inen disen brief besigelt mit minem ingesigel zeinem offennen vrkunde. Dirre brief wart geben ze Winterture⁵ in dem jare, do von gottes geburt waren tusent zwei hundert vnd in dem zwei vnd nunzegosten jare, an dem zistage nach sant Verenen tage, do indictio was du funfte.

Source Fulltext: Chartularium Sangallense IV, Nr. 2298, S. 399.