Universis presentem literam inspecturis Elisabeth relicta illustris viri quondam Lvdvici comitis de Honberc¹ et domina in Raprectswiler² noticiam subscriptorum. Ne labatur^a) cum tempore, que geruntur in tempore, expedit rerum gesta, ne ab humana cadant memoria, scripture testimonio perhennari. Noverint igitur quos nosce fuerit^b) oportunum, quod cum nos gravibus debitorum oneribus^c) pergraute^d) essemus in tantum, quod propter cottidianas voracium usurarum exceresentias^e) et graves obsidum et fideiussorum expensas ac multiplicia utrobique accesoria iam velud in exterminio rerum et honoris posite videremur, nec ab huiusmodi oneribus sine^f) distractione aliquarum rerum dominii nostri possemus aliqualiter exonerari, tandem pro removendis eorundem debitorum nostrorum oneribus et conservatione dominii nostri et honoris bona et longa deliberatione cum nostris vasallis minysterialibus et amicis ac fidelibus nostris prehabita honorabilibus in Christo domino Volkero abbati et conventui monasterii in Wettingen³ Cisterciensis ordinis Constantiensis dyocesis omnia bona nostra in universo districtu vallis Vrânie⁴ sita cum omnibus^g) pertinentiis suis et cum prediis urbanis et rusticis et specialiter cum bonis in^h) Gescheldvn⁵ et turri in eisdem sita, que ex successioneⁱ⁾ seu fraterna⁶ nobis competebat seu competere videbatur, necnon cum servis et ancillis et eorum bonis actionibus requisicionibus nobis ob ea seu propter ea competentibus districtibus bannis ac aliis iuribus, quocumque nomine censeantur, cum omnibus, que habent supra seu intra seu infra seu extra se, pro quadrigentis viginti et octo marcis legalis argenti ponderis Thuricensis bona fide sine dolo libere legaliter et sollempniter vendidimus et tradidimus et resignavimus, interveniente auctoritate strennui viri V^olrici de Rvsegge⁷ nobilis advocati nostri sicut moris est electi a nobis coram serenissimo domino Rv^odolfo dei gratia Romanorum rege et semper augusto et coram illustri viro domino Rv^odolfo dei gratia duce Austrie comite de Kiburc et de Habsburc langravio Alsacie⁸ perpetualiter possidenda. Damus eciam eis exnunc licentiam intrandi et apprehendendi possessionem hominum bonorum et iurium premissorum et eorum nomine constituimus nos possidere, quousque ipsi possessionem eorundem bonorum hominum et iurium apprehenderint corporalem, quam summam peccunie profitemur presentibus nos integraliter recepisse et in usus nostros utiliter convertisse. Renunciamus igitur pro nobis et nostris heredibus omni iuri canonico et civili actioni pactioni exceptioni consuetudini et specialiter exceptioni non numerate peccunie non tradite non solute non inpense doli in factum exceptioni deceptioni^k) ultra dimidium iusti precii beneficii^l) restitutionis in integrum iure^m) minoris et omnibus aliis, per que vel occasione quorum in foro ecclesiastico vel seculari predieta possent inpugnari vel aliqualiter retractari, et potissime legi, que dicit generalem renunciationem non valere, nisi precesserit specialis, obligantes nos nostrosque heredes ad cavendum super premissis de evictione et ad prestandum warandiasⁿ⁾ legitimam, ubicumque et quandocumque necessitas legaliter exiet^o) et requiret. Insuper promittimus pro nobis nostrisque heredibus abbate predicto pro se et suo conventu stipulante, quod predictam venditionem et omnia^p) premissa rata et grata habebimus et quod contra ipsam seu contra omnia premissa et singula facto verbo seu ingenio per nos seu alios non veniamus, et coram venerabili patre ac domino R. dei gratia Constantiensi episcopo⁹ et nostro^q) et aliis testibus subscriptis super hoc corporale prestitimus sacramentum. In premissorum itaque evidentiam et robur presens instrumentum de nostro rogatu scitu et mandato confectum et conscriptum sigillis prefati patris ac domini R. dei gratia Constantiensis episcopi et nostro et Hermanni^q) comitis de Honberch affinis¹⁰ nostri necnon prenominati nobilis V^olrici de Rvsegge sepefatis . . abbati et conventui tradidimus patenter communitum. Acta sunt hec Thuregi, in viridario curie plebani eiusdem civitatis, quam prefatus pater et dominus inhabitat, anno domini M° CC° nona gesimo, III° kl. maii, presentibus predicto venerabili patre et domino R. dei gratia Constantiensi episcopo, honorabili^r) viro domino V^ol. abbate de Salem¹¹, fratre Burchardo quondam plebano sancti Stephani Constantiensis¹² monacho in Salem, fratre Amol, de Bruggetal¹³ monacho Capelle¹⁴, fratre Cv^onr. cellerario in Wettinggen, domino Jo. dicto Manezzen, magistro R. de Wediswiler¹⁵ can(onicis) Thuricen(sibus), domino V^oI. de Richendal¹⁶ canonico Zouigensi¹⁷, Hvnildo rectore ecclesie in Rinhein¹⁸, Berct. plebano in Vfenowe¹⁹, Heinr. plebano in Meriswandon²⁰, V^o. de Vrndorf²¹, Hartmanno rectore ecclesie in Baden²², domino R. de Wedeswiler²³, domino C. de Tehegen²⁴ nobilibus, Rv^odegero de Werdegge²⁵, Rv^odegero Manezen iuniore, R. et H. fratribus de Lvnchost²⁶, de Wagenberch^s)27 militibus, Jo. dicto Lvchs²⁸, Hugo Bruno²⁸, Gotfrido de Bv^obendorf²⁹, de Ebnv^ete^s)30 et aliis pluribus fidedignis ad hoc vocatis. Nos Rv^odolfus dei gratia Constantiensis episcopus, quia premissis omnibus et singulis interfuimus, ad peticionem predicte domine Elysabeth comitisse sigillum nostrum appendi fecimus. Ego Hermannus comes de Honberch ad peticionem supradicte domine Elyzabeth affinis mee supradicta omnia approbo et sigillo meo duxi deliberatione consignanda prehabita competenti. Ego V^oI. nobilis de Rvsegge advocatus Thuricensis, quia predictis omnibus et singulis interfui et auctoritatem inpendi, ad robur et evidentiam premissorum et ad petitionem et mandatum sepe dicte domine Elyzabeth sigillum meum presenti instrumento appendi.

Source Fulltext: Chartularium Sangallense IV, Nr. 2237, S. 356-358.