Willehelmus dei gratia electus et confirmatus¹, .. prepositus totusque conventus monasterii sancti Galli omnibus presentium inspectoribus subscriptorum noticiam cum salute. Ut contractus bone fidei consensu mutuo celebrati perseverent sub perpetua firmitate, scripturarum indiciis [te]nacia) || et incommutabili debent memorie conmendari. Noverint igitur universi tam posteri quam presentes, quod nos tractatu sollempni debito et consweto inter nos prehabito ac premisso, qui circa rerum ecclesiasticarum alienationes seu permutationes adhibendus est ac premitendus^b) iuxta canonicas sanciones, || facta resignatione per viros discretos V^olricum dictum Giel militem, Hainricum fratrem suum, Růdolfum et V^olricum filios quondam Růd. dicti Giel² militis monasterii nostri ministeriales^c) iuris advocaticii, possessionum et hominum in Hemmenhouen³ necnon curie dicte kelnhof site ibidem cum suis pertinenciis universis || ad manus nobilium virorum Hainr. de Griessenberg⁴ et Růd. de Bussenanch⁵ militum, et eodem iure advocaticio ab eisdem nobilibus ad manus nostri electi et confirmati predicti libere et sollempniter resignato, ac iure feodali et villicatus omnique iure, quocumque nomine censeatur, quod predictis V^olrico et H., Růd. et V^oI. dictis Giel in possessionibus memoratis Hemmenhouen et curia dicta kelnhof ibidem cum hominibus et attineciis^b) universis tam corporalibus quam incorporalibus, quibuscumque vocabulis seu nominibus distinguantur, conpeciit vel conpetere potuit quovis modo, ad manus nostri electi et confirmati observata verborum et gestuum sollempnitate debita et consweta libere resignatis, receptis a dilectis in Christo . . abbatissa et conventu monasterii in Velpach⁶ dyocesis Constantiensis quinquaginta marcis argenti puri et legalis ponderis Constantiensis, quas in utilitatem nostri monasterii videlicet in exhonerationem^b) debitorum eiusdem fore conversas scriptis presentibus contitemur, assignatis insuper et traditis memoratis V^oI. Hainr. Růd. et V^olrico dictis Giel octuaginta quinque marcis argenti puri et legalis ponderis antedicti per dictas abbatissam et conventum pro resignatione tocius iuris, quod ipsis conpetiit^d) seu conpetere potuit in possessionibus et curia iamdictis cum hominibus ipsarumque pertinenciis et appendiciis universis, recepta insuper per nos reconpensa sufficienti et nostro monasterio magis utili ac conpetenti a prefatis abbatissa et conventu proprietatis possessionum et curie predictarum cum hominibus decimis et iure patronatus ecclesie in Hemmenhouen eisdem annexis ipsarumque appendiciis et pertinenciis universis per proprietatem possessionum in Cholbrunne⁷ et in Willisperch⁸, molendini dicti Hainzinun⁹ et schůpozse in Burron¹⁰ cum hominibus eis annexis et decima ipsi curie in Cholbrunne pertinente nobis et nostro monasterio traditam per iamdictas abbatissam et conventum cum observatione sollempnitatis debite et conswete, Mehthild. relicta Walth. ministri quondam Walth. de Lindenberch¹¹ militis, Walth. et Cůnr. filiis suis et tribus filiabus eiusdem per memoratas abbatissam et conventum dumtaxat exceptis, possessiones supradictas in Hemmenhouen et curiam dictam chelnhof ibidem cum iure patronatus ecclesie in Hemmenhouen ei annexo necnon decimis possessionibus et curie attinentibus cum hominibus, silvis, nemoribus, pratis et pascuis, molendinis, bannis, iurisdictionibus, foris factis, viis et inviis, vineis, virgultis, pomariis, piscationibus, aqueductibus, iuribus navigandi et cum proprietate omagiorum omnium, que manlehen vulgariter nuncupantur, necnon proprietatem ipsarum possessionum et curie generaliter cum omnibus suis iuribus appendiciis et pertinenciis universis tam corporalibus quam incorporalibus, quibuscumque vocabulis seu nominibus distingui possent, ac omne ius, quod nobis et nostro monasterio in possessionibus et curia prefatis cum hominibus ipsarumque pertinenciis supra expressis et non expressis, etiam quibuscumque conpetit seu conpetere potest, consensu unanimi accedente et expressa ac libera voluntate prefatis abbatisse et conventui ipsarumque monasterio tradimus et assignamus easque in earundem possessionis curie hominum et eis annexorum superius expressorum aliorumque omnium quorumcumque etiam nondum specialiter nominatorum in possessionem corporalem induximus per presentes, observata et adhibita debita sollempnitate, ita ut ipsas possessiones curiam homines et universa eis annexa ac proprietatem eorundem perpetuo possideant pacifice et quiete et de ipsis alienando obligando locando concedendo seu quovis titulo voluerint in alios sive privatos monasteria vel ecclesias transferendo disponant, quidquid ipsis visum fuerit expedire, sine cuiusvis obice contradictionis, quemadmodum quibuslibet de rebus propriis dispositio est concessa, hoc adiecto, ut hii, qui tenent feoda seu omagia sita in Hemmenhouen vel circa ipsam villam aut in pertinenciis eiusdem, liberam habeant facultatem, dicta feoda seu omagia a nobis electo et confirmato predicto vel a nostris successoribus aut successore seu a memoratis abbatissa et conventu ipsarumque monasterio, prout maluerint^e), retinendi. Et si quovis casu ipsa feoda a nostro monasterio vel ab ipsis abbatissa et conventu retenta vacare contigerit vel aliquod ex eisdem sive sint decime aut possessiones per receptionem pecunie a feodatoriis faciendam aut per cessionem vel per mortem sive per alium quemcumque casum aut modum, extunc ipsa feoda cum pleno dominio et cum omni utilitate ad prelibatas abbatissam et conventum ipsarumque monasterium ipso facto devolvi debent sine cuiusvis obice impedimenti, decernentes ex nunc, si per nos vel per nostros successores, qui pro tempore fuerint, quidquam in contrarium actum fuerit vel attemptatum, id fore ipso facto irritum et inane, adicientes, ut nobis et nostro monasterio per abbatissam et conventum monasterii de Velpach seu per ipsum monasterium nomine census annui de possessionibus et curia prelibatis hominibus ac pertinenciis earundem in festo beati Galli libra cere perpetuo exsolvatur. Ut autem ea, que premissa sunt, et quodlibet ex eisdem nullo tempore pati possint aliquam materiam questionis, renunciamus circa predicta necnon in singulis articulis eorundem tam pro nobis quam pro nostro monasterio nostrisque successoribus, qui pro tempore fuerint, beneficio restitutionis in integrum, litteris a sede apostolica vel aliunde inpetratis aut etiam inpetrandis, defensioni non adhibite sollempnitatis, exceptioni doli, auxilio repetendi per obiectum deceptionis ultra dimidium iusti precii, exceptioni non numerate pecunie, omnibus constitutionibus et statutis editis vel edendis, auxilio litterarum sedis apostolice, quibus mediantibus res ecclesiastice, que alienate dicuntur illicite vel distracte, repetuntur vel repeti consweverunt, omni conswetudini generali vel particulari et generaliter omni auxilio tam in genere quam in specie, quo mediante ea, que premissa sunt, violari possent cassari vel irrita nunciari in toto seu in parte aliqua eorundem. Et ob fidem indubitatam roburque perpetuum omnium et singulorum superius expressorum presens instrumentum sigillorum nostrorum videlicet tam nostri electi et confirmati quam conventus unâ cum subscriptionibus, quas quilibet ex nobis de conventu pro se fieri fecit et petiit singillatim, tradimus abbatisse et conventui monasterii in Velpach superius nominati robore conmunitum. Et hec sunt subscriptiones, quas singuli fieri fecimus de conventu. Ego Bertoldus prepositus¹² monasterii sancti Galli hiis, que sunt supra posita et predicta, consensum meum expressum adhibeo et in evidentiam consensus mei eisdem adhibiti et expressi huic instrumento pro me per V^olricum subdyaconum dictum Toggenmuzser subscribi feci. Ego Růmo de Ramstain sacerdos quondam abbas¹³ monasterii sancti Galli hiis que sunt supra posita et predicta, consensum meum expressum adhibeo et in evidentiam consensus mei eisdem adhibiti et expressi huic instrumento pro me per V^oI. subdyaconum dictum Toggenmuzser subscribi feci. Ego Hainr. portarius¹⁴ monasterii sancti Galli hiis, que sunt supra posita et predicta, consensum meum ex[press]um^a) adhibeo et in evidentiam consensus mei eisdem adhibiti et expressi huic instrumento pro me per V^oI. subdyaconum dictum Toggenmuzser subscribi feci. Ego Fridericus de Gundoluingen camerarius monasterii sancti Galli hiis, que sunt supra posita et predicta, consensum meum expressum adhibeo et in evidenciam consensus mei eisdem adhibiti et expressi huic instrumento pro me per V^oI. subdyaconum dictum Toggenmuzser subscribi feci. Ego Hugo de Durrehai(n)^f) sacerdos et monachus monasterii sancti Galli hiis, que sunt supra posita et predicta, consensum meum expressum adhibeo et in evidenciam consensus mei eisdem adhibiti et expressi huic instrumento pro me per V^oI. subdyaconum dictum Toggenmuzser subscribi feci. Ego Hainr. de Durrehai(n)^f) sacerdos et monachus monasterii sancti Galli hiis, que sunt supra posita et predicta, consensum meum expressum adhibeo et in evidenciam consensus mei eisdem adhibiti et expressi huic instrumento pro me per V^oI. subdyaconum dictum Toggenmuzser subscribi feci. Ego Waltherus de Ramstain monachus monasterii sancti Galli hiis, que sunt supra posita et predicta, consensum meum expressum adhibeo et in evidenciam consensus mei eisdem adhibiti et expressi huic instrumento pro me per V^oI. subdyaconum dictum Toggenmuzser subscribi feci. Ego V^oI. de Drupurg monachus monasterii sancti Galli hiis, que sunt supra posita et predicta, consensum meum expressum adhibeo et in evidenciam consensus mei eisdem adhibiti et expressi huic instrumento pro me per V^ol. subdyaconum dictum Toggenmuzser subscribi feci. Ego Marquardus de Veringen monachus monasterii sancti Galli hiis, que sunt supra posita et predicta, consensum meum expressum adhibeo et in evidentiam consensus mei eisdem adhibiti et expressi huic instrumento pro me per V^oI. subdyaconum dictum Toggenmuzser subscribi feci. Ego H. de Luphen monachus monasterii sancti Galli hiis, que sunt supra posita et predicta, consensum meum expressum adhibeo et in evidentiam consensus mei eisdem adhibiti et expressi huic instrumento pro me per V^oI. subdyaconum dictum Toggenmuzser subscribi feci. Ego Hil. de Werstain monachus monasterii sancti Galli hiis, que sunt supra posita et predicta, consensum meum expressum adhibeo et in evidentiam consensus mei eisdem adhibiti et expressi huic instrumento pro me per V^oI. subdyaconum dictum Toggenmuzser subscribi feci. Iniciata fuerunt hec apud Amlikon¹⁵ et apud sanctum Gallum consumata, anno domini M°.CC°.LXXX°II°. IX°. kalend. octob., indictione X^a. Presentibus reverendo in Christo Alber. dei gratia abbate monasterii Augie Maioris¹⁶, Cůnr. decano¹⁷ eiusdem, Hainr. de Monteforti canonico Curiensi¹⁸, magistro Cůnr. dicto Phefferhart canonico ecclesie sancti Johannis Const(antiensis)¹⁹, nobilibus viris Hainr. de Griessenberg, Růd. de Bussenanch et Hainr. de Gutingen²⁰ militibus, Eberh. de Bichelnse²¹, V^oI. dicto Giel, Cůnr. pincerna de Landegge²², Růd. de Lindenberg²³ et Lutoldo dicto Ome²⁴ militibus ministerialibus monasterii sancti Galli, Johanne de Scho^enenberg²⁵ milite, Hainr. dicto Giel, Růd. et V^olrico filiis quondam Růd. dicti Giel militis, Wernhero de Schinun²⁶ et Gerboldo de Mulhai(n)^f)27 militibus, Cůnr. de Salunstain²⁸, Walth. de Curia, Cůnr. Monetario civibus Const(antiensibus), V^olrico dicto Lesti, V^olrico dicto Pho^eseli et Walth. dicto Blarrer civibus sancti Galli aliisque quam pluribus fide dignis.

Source Fulltext: Chartularium Sangallense IV, Nr. 2095, S. 250-254.