In nomine domini nostri Iesu Christi amen. Romo dei gratia abbas¹ totusque conventus monasterii sancti Galli omnibus Christi fidelibus presens scriptum || intuentibus salutem cum noticia subscriptorum. Pie veritatis sinceritas rebus gestis audax audet firmitatis patrocinium in posterum^a) || ministrare, dum ipsis litterarum et testium aminicula suffragantur. Cum igitur discretus vir Eberhardus de Bichelnse miles^b) nostri monasterii ministerialis necnon Eberhardus || filius suus² decimas in Bv^ochrain³, Huogenberch⁴, O^etenhusen⁵, Tannikon⁶ et eas, que in mansibus . . dicti Haseler et dicti Stvki apud Tannikon colliguntur^c), mansum^d) in Bv^och⁷ et tres scopozas apud Stetfvrt⁸, quas a nobis sive nostro monasterio in feodum hacte(n)us^e) tenuerunt, divine karitatis suasione conpu(n)cti^e) ad manus nostras devote ac libere resignarint, suplicantes humiliter et attente, ut eadem feoda religiosis sororibus . . abbatisse et conventui sororum in Tannikon⁹ assignare ac donare dei intuitu dignaremur, ad noticiam universorum ac singulorum tam presentium quam futurorum contextu presentium cupimus devenire, quod nos sacre religionis h(ab)it(ation)ibus^f) pro nostra possibilitate manum adiutricem porrigere cupientes, cum exinde eterne remunerationis premium prestolemur, tum ad instantem etiam peticionem prelibatorum Eber. de Bichelnse ac E. filii ipsius prescriptas decimas, mansus et scopozas religiosis in Christo . . abbatisse et conventui sororum in Tannikon sub annuo censu, videlicet duabus libris cere in festo beati Galli . . custodi nostri monasterii, qui pro tempore fuerit, persolvendis, donamus, tradimus et assignasse presentibus confitemur ipsis exnunc inantea quiete et pacifice possidendas. Nos Ber. prepositus¹⁰, H. portarius¹¹ totusque conventus monasterii sancti Galli in donationem prescriptam, que de bona voluntate et nostro consilio unanimi transivit adesse, libere consentimus, renuntiantes unâ cum domino nostro . . abbate pro nobis nostrisque successoribus universis omni actioni, defensioni, exceptioni, iuris auxilio conmunis et privati, canonici vel civilis, litteris seu indulgentiis a sede apostolica inpetratis vel etiam inpetrandis, necnon generaliter omnibus, per que dicta donatio a nobis seu nostris successoribus in toto vel in parte infringi posset, aliqualiter inpeti vel cassari. In huius itaque donationis evidentiam ampliorem presentes iussu nostro conscriptas ipsis contradi fecimus sigillorum nostrorum . . abbatis et conventus munimine consignatas. Actum et datum apud sanctum Gallum, anno domini M°.CC°.LXXVIII. XI. kl. aug. indict. VI^a. Presentibus discretis viris Conr. de Sto^efeln canonico Argent(inensi)¹², E. de Grimmenstain¹³, H. dicto Lowe¹⁴ militibus, V^oI. de Bvnishoven¹⁵, A. de Rvti¹⁶, Johanne Magistro Coquine, Ro. fratre suo¹⁷, V^oI. dicto Lesti, V^oI. dicto Phosili, Jacobo dicto Plarrer, Volkardo, H. dicto Hvrst, Wilderico, H. Sellatore civibus oppidi sancti Galli aliisque quampluribus fidedignis, in domino feliciter amen.

Source Fulltext: Chartularium Sangallense IV, Nr. 2017, S. 181-