Universis bone voluntatis hominibus Romo miseratione divina abbas¹ totusque conventus monasterii sancti Galli rei subscripte noticiam cum || salute. Quoniam illis non immerito, qui se et sua pro nostris nostrique monasterii utilitatibus et defensionibus exhibent benivolos et paratos, || quantum nobis est possibile gratia tenemur vicissitudine respondere, hinc est, quod cum reverendus in Christo Albertus dei gratia abbas monasterii || Augie Maioris² eiusque monasterium occasione cause, que super electione et electionis prosequtione^a) de nobis Romone in abbatem prefati monasterii celebrate^b), dampna et exspensas sustinuerint multiformes³, que in utilitatem et comodum predicti nostri monasterii cedebant, quod presentibus confitemur, nec nobis ad presens resartiendi dampna huiusmodi aliunde comoda sit facultas, possessiones cum hominibus et omnibus suis pertinentiis sitas in villa Bemanch⁴ sub castro Sandegge⁵, que hactenus iure proprietatis nostro monasterio pertinebant, in restaurationem predictorum dampnorum et exspensarum sepefatis . . abbati et monasterio donavimus, assignavimus, tradidimus proprietatis titulo perpetuo possidendas. Verum ut premissa remaneant inconvulsa, conmuni inter nos traetatu prehabito renuntiamus omni actioni, exceptioni, iuri canonico et civili, consuetudini et statuto, omnibus privilegiis seu litteris a sede apostolica inpetratis vel etiam inpetrandis et breviter omnibus, per que predicte donationis et traditionis effectus possit in aliquo vacillari. Ne autem predictorum aliquod in posterum oblivionis possit caligine obumbrari, presentes litteras sigillorum nostrorum munimine sepefatis . . abbati et monasterio Augie Maioris dedimus roboratas. Act. et dat. apud sanctum Gallum, anno domini M°.CC°.LXX°VII.^c) XIII°. kl. ianuarii, indict. VI^a.

Source Fulltext: Chartularium Sangallense IV, Nr. 2003, S. 172-173.