In nomine domini amen. Facilius ad memoriam reducitur, quod apicibus scripturarum memorie || commendatur. Noverint igitur universi, quod nos Berhtoldus miseratione divina abbas monasterii || sancti Galli¹ ad multam ac magnam petitionem et instantiam dilecti fidelis nostri domini V^olrici || nobilis viri de Reginsperch² bona nostra in Copoltis³, que ad nos et monasterium nostrum iure proprietario pertinere noscuntur, que etiam dictus nobilis a nobis tenebat in feodo, fratri Conrado commendatori hospitalis sancti Johannis in Clingeno^vwe⁴ nomine domus ipsius cum omnibus suis pertinenciis, videlicet agris, pratis, silvis, nemoribus, pascuis, viis et inviis, aquis aquarumve decursibus eo iure, quod vulgo dicitur erbelehin, contulimus pleno iure, ita videlicet, quod dicta domus nobis et monasterio nostro in recognitionem dominii singulis annis unam libram cere in festo beati Galli persolvere teneatur^a). Et ut predicta plenam obtineant roboris firmitatem, presens instrumentum dedimus prefatis commendatori et suis confratribus universis sigilli nostri munimine communitum. Acta sunt hec Renaugie⁵, anno domini M°CC°LX°VIIII°. XII°. kl. marcii, XII^a) indict. Presentibus nobilis^b) viris dominis Friderico comiti^c) de Tokenburch⁶, Cv^onone de Tivfen, Diethelmo filio suo⁷, Hain. de Gutting(en)⁸, Rv^odolfo de Tekenhusen⁹ et aliis multis.

Source Fulltext: Chartularium Sangallense IV, Nr. 1821, S. 40-41.