In nomine sancte˛ et individue˛ trinitatis. Notum sit tam futuris quam presentibus, quod inter e˛cclesiam quandam sancti Galli, que˛ Zartun¹ nominatur, et inter monasterium || sancte˛ Marie˛², quod Bruno Argentinensis prepositus³ in predio suo pro anime˛ sue˛ remedio condiderat, diutinum litigium pro decimis, que˛ quo pertinerent, ex confinio || terminorum fuerat. Fratres enim de monasterio sancte˛ Marie˛ omnium partium decimas usque ad locum, qui Waginstat⁴ vocatur, ex iusticia habere voluerant. Familia autem || sancti Galli eadem loca sive noviter sive antiquitus exculta in omni decimatione ad Zartun pertinere ex antiquitatis auctoritate confirmare studuerant. Denique hanc controversiam ego O^vdalricus Constantiensis e˛cclesiae episcopus⁵ et servus cum Manegoldo cenobitarum sancti Galli venerabili abbate⁶ et auctoritate Chu^onradi utriusque e˛cclesiae˛ advocati⁷ cum consensu utriusque partis hoc modo et hac terminatione in perpetuum paccavi. Omnem decimam usque ad pedem montis, ubi horreum⁸ fratrum de monasterio sancte˛ Marie˛ locatum est, ad e˛cclesiam Zartun absque omni contradictione destinavi. Horreum autem et omnia loca dehinc sursum, sive pridem inhabitata vel que˛cumque in posterum exculta fuerint, ad monasterium sancte˛ Marie˛ secundum debitum decimationis perpetualiter discrevi. Ad hanc quoque terminationem confirmandam de ecclesia sancte Marie pro concambio et memoria vere˛ concordie˛ et perpetue stabilitatis sancto Gallo traditum est predium ad Kilizartun¹ pro tribus beneficiis computatum, quod scilicet predium quidam Adalbertus possedit. Unumquodque autem beneficium duos solidos persolvit in censu et unum solidum in stura preter alias diversas iusticias secundum morem nostre˛ regionis. Hanc ergo terminationis memorialem iusticiam ego O^vdalricus Constantiensis ecclesie episcopus auctoritate beati Petri et domni^a) Honorii pape et omnis Constantiensis e˛cclesiae banno meo confirmavi et sic in omne subsequens tempus omnimodam discordiam sedavi. He˛c autem facta sunt anno ab incarnatione domini M.C.XX.V. indictione IIIa. primo anno regni Lotharii regis, regnante domino nostro Iesu Christo, cui laus et imperium in secula seculorum. Amen.||
Signa testium Notherus prepositus, Fridericus prepositus⁹, O^vdalricus Constantiensis prepositus¹⁰, Heinricus advocatus¹¹, Lutholdus.

Source Fulltext: Chartularium Sangallense III, Nr. 892, S. 13-14.