+ Innocentius + episcopus servus servorum dei dilectis filiis . . abbati et conventui monasterii de Wectingen^b)1 Cisterciensis ordi||nis Constantiensis diocesis salutem et apostolicam benedictionem. Petitio vestra coram nobis exhibita continebat, quod cum correctio excessuum tam || monachorum quam monialium vestri ordinis ad patres abbates secundum statuta dicti ordinis confirmata per sedem apostolicam per||tinere noscatur et in generali capitulo Cisterciensi deliberatione provida sit statutum, ut moniales incorporate ipsi ordini nulli alii confiteantur nisi patri abbati solummodo vel cui dictus abbas in hoc commiserit vices suas, nonnulli religiosi et alii seculares non absque presumptione dampnabili falcem in alienam messem mittentes predictarum monialium confessiones audire ac ipsas de facto absolvere non verentur, propter quod correctio vestra contempnitur ipseque moniales regularem effugiunt disciplinam, in salutis animarum suarum dispendium et prefati ordinis iniuriam et contemptum. Quare fuit ex parte vestra nobis humiliter supplicatum, ut super hoc congruum adhibere remedium dignaremur. Nos igitur statuta vestri ordinis cupientes illibata servari et animarum suarum profectui providere, ne id decetero fiat absque speciali mandato predicte sedis faciente plenam de statutis confirmatione ac inhibitione huiusmodi mentionem, auctoritate presentium districtius inhibemus. Nulli ergo omnino hominum liceat hanc paginam nostre inhibitionis infringere vel ei asu^c) temerario contraire. Siquis autem hoc attemptare presumpserit, indignationem omnipotentis dei et beatorum Petri et Pauli apostolorum eius se noverit incursurum. Dat. Lugduni, non. octobr. pontificatus nostri anno octavo.

Source Fulltext: Chartularium Sangallense III, Nr. 1446, S. 341.