+ Innocentius + episcopus servus servorum dei dilectis in Christo filiabus . . priorisse et conventui monasterii in || Magginouwe¹ Cistertiensis ordinis Constantiensis diocesis^a) salutem et apostolicam benedictionem. Iustis petentium desideriis dignum est || nos facilem prebere consensum [et vota, qu]e^b) a rationis tramite non discordant, effectu prosequente complere. || Eapropter dilecte in domino fi[lie]^b) vestris iustis postulationibus grato concurrentes assensu, personas vestras et monasterium, in quo divino estis obsequio mancipate, cum omnibus bonis, que impresentiarum^c) rationabiliter possidetis aut in futurum iustis modis prestante domino poteritis adipisci, sub beati Petri et nostra protectione suscipimus. Speci[ali]ter^b) autem terras domos possessiones et alia bona vestra, sicut ea omnia iuste ac pacifice [possidetis, v]obis^b) et per vos eidem monasterio auctoritate apostolica confirmamus et presentis scripti [patrocinio commu]nimus^b). Nulli ergo omnino hominum liceat hanc paginam nostre protectionis et confirmati[onis infringere]^b) vel ei ausu temerario contraire. Si quis autem hoc attemptare presumpserit, indignationem omnipotentis dei et beatorum Petri et Pauli apostolorum eius se noverit incursurum. Dat. Lugduni^d), kl. aprilis, pontificatus nostri anno^e) tertio.

Source Fulltext: Chartularium Sangallense III, Nr. 1367, S. 295-296.