P + In nomine sanctae et individuae trinitatis: Heinricus divina favente dementia rex. Si res ecclesiis dei pertinentes auctoritatis nostrae potentia stabilimus + earumque commoda in omnibus provide perpensamus, in hac et in aeterna vita premia nobis permansura speramus. Quapropter omnium dei nostrique fidelium tam presentium quam et futurorum noverit sollertia, qualiter fidelis noster Salemon^a)1 abbas Fabariensis monasterii, quod constructum est in honore sanctae dei genitricis Marię^b) situm in pago Retia Curiensi in comitatu Eberhardi² cum monachis sibi subiectis celsitudinis nostrę clementiam adiit humiliter obsecrans, ut eosdem monachos atque res predicti^c) monasterii propter quorundam hominum perversorum tergiversationes in nostrum mundiburdium et tuitionem susciperemus atque illorum precepta ac privilegia, quae ab antecessoribus nostris regibus vel imperatoribus acceperunt, nostrę auctoritatis munimine renovando confirmaremus electionemque illis concederemus. Insuper etiam ostendit nobis precepta ac privilegia antecessorum nostrorum regum et imperatorum Karoli, Ludouvici, * trium Ottonum, Heinrici secundi nec non beatę memorię patris nostri Chuonradi imperatoris, in quibus continebatur, ut prefati monachi regię vel imperialis defensionem tuitionis super res ad idem monasterium pertinentes habere debuissent. Quorum nos petitioni pro aeterna memoria patris coniugisque nostrę Chunigundis simulque ob interventum dominę matris nostrę Gislae imperatricis * ipsos monachos et res ad prefatum monasterium pertinentes per hoc regale preceptum in nostrum mundiburdium et tuitionem suscepimus, eo quoque tenore ut nullus publicus iudex dux comes vel episcopus vel quislibet iudiciaria^c) potestate constitutus aliquam super eos in rebus vel in familiis eorum exerceat potestatem intus vel foris, sed eiusdem monasterii prenominatus abbas suique successores ad monachorum necessarios usus potestative teneant atque possideant. Sit vero abbatia illius monasterii libera et ab omni extranea et iniqua potestate secura, nec alicui successorum nostrorum regum vel imperatorum liceat eam vel res suas alteri monasterio aut persone inbeneficiare aut in proprietatem donare. Concessimus nanque^a) eis electionem et potestatem firmissimam, quęmcumque inter eos abbatem voluerint eligere, quatinus eos pro nobis libentius deum delectet exorare. Et ut haec presentis auctoritas precepti firmior stabiliorque cunctis nostris fidelibus credatur, hanc cartam inscribi sigillique nostri impressione sigillari iussimus propriaque manu * subtus firmavimus.||
+ Signum domni Heinrici tercii (M.) regis invictissimi. +||
+ Theodericus cancellarius vice Bardonis archicapellani recognovit. +||
Data X. kl. iul., indictione VIII, anno dominicę, incarnationis millesimo XL^mo, anno autem domni Heinrici^b) tercii ordinationis XIII, regni vero II; actum Strazburhc; feliciter amen.

Source Fulltext: UB der südl. Teile des Kantons St. Gallen I/2, Nr. 123, S. 122-123.