+ Fridericus secundus + divina favente dementia Romanorum imperator semper augustus et rex Sicilie. Inter cetera opera caritatis illa in conspectu altissimi grata potissime reputamus, que ecclesiis et locis deo dicatis domino inspirante largimur. Eapropter notum facimus universis imperii fidelibus tam presentibus quam futuris, quod nos attendentes puram fidem et sinceram devotionem, quam Lodoycus¹ venerabilis abbas monasterii Fauariensis et conventus eiusdem ad nostram excellentiam habuerunt fideliter et devote, consciderantes^a) quoque divina obsequia, que in eodem monasterio deo iugiter ministrantur, pro remedio anime nostre ac divorum augustorum parentum nostrorum, ipsum abbatem conventum et ecclesiam suam in personis ac rebus cum omni iure hominibus possessionibus villis et cum omnibus suis^b) pertinenciis et bonis in integrum tam mobilibus quam inmobilibus, que nunc iuste et rati[ona]biliter^c) possident vel que in posterum pre[stante]^d) domino poterint iusto titulo adipisci, sub speciali protectione et defensione nostre recepimus magestatis, liberantes et eximentes ipsam ecclesiam, ex certa scientia de speciali gratia nostra, ab omni iurisdictione patronatus advocatie seu cuiuslibet subiectionis officiis, specialiter autem ab Henrico de Saxo et Alberto filio suo et heredibus eorundem in perpetuum. Et ipsam cum omnibus bonis suis ad specialem nostram defensionem tantum assumimus nobis et imperio perpetuo retinendam, non obstante concessione aliqua ab aliis edita vel a nobis, quam omnino cassamus et decernimus||
penitus non tenere^e). Et hec omnia tibi abbati Lodoyce tuisque successoribus iuste et canonice institutis ex certa scientia concedimus et imperiali auctoritate perpetuo confirmamus statuentes et firmiter precipientes, ut de cetero nullus dux nullus marchio nullus comes vicecomes capitaneus seu quilibet exactor de ipsis causam teneat ius dicat vel se aliquatenus intromittat, set in omnibus et per omnia predicta sint memorato abbati suisque successoribus imperiali edicto perpetuo confirmata, sicut in sue ecclesie privilegiis noscitur plenius contineri. Si quis autem contra huius nostre protectionis concessionis et confirmationis paginam venire presumpserit, indignationem nostram se noverit gravite[r]^f) incursurum et pro pena sue temeritatis centum libras auri optimi soluturum, medietatem quidem camere nostre, aliam medietatem passis iniuriam. Ad cuius rei memoriam et perpetuam firmitatem presentem paginam scribi et sigillo nostre celsitudinis iussimus inferius roborari. Huius rei testes sunt: Olricus Patauensis² episcopus, Albertus Tridentinus³ electus, Diupoldus marchio de Foburgh^g)4, Gunerradus^h) comes de Elfensteine⁵, Bertoldus comes de Monte sacro⁶, Gotefridus comes de Blandrato⁷, Rainaldus dux Spoleti⁸, Anselmus marescalchus de Justinginⁱ⁾⁹, Conradus camerarius de Werde¹⁰, Fridericus pincerna de Stophenk¹¹. Datum^l) Trani¹², millesimo ducentesimo XXI, quinto non. marcii, indictione nona.

Source Fulltext: UB der südl. Teile des Kantons St. Gallen I/4, Nr. 320, S. 249.