3T4.

398

vrvehe vnd si sine vber mich genomen han, also daz der biseholf von Vreising, sein levt vnd sein gvt vor Arnolden vnd vor sinen vrevnden vnd vor silier hovssvrowen vrevnden di mir zv hórent vnd in miner gebiete sint, immer sicher sein vmb di schvlde vnd sol Arnold von seiner vrevnde sehse der erbaersten di in miner gebiete sint, des svern daz dev sine immer staete sei vmb di schvlde, vnd waere daz Arnolt von Mvntalban oder sin vrevnde di an windent von im selben oder von seiner hovssvrowen, di svne braechen gegen dem biseholf von Vreising oder gegen sines gotshovses levten oder gegen den di in sinem dinste waeren oder gegen sinem gvte also daz sihtich waere, so waer Arnolt mit sampt den di mit im gesvorn habent mêineid vnd sint dannoch dar vber dem biseholf von Vreising vnd dem gotshovse ze Vreising schvldich fvmfhvndert march Agleiger. Dev vrvehe hat ein ende vber dev naehsten fvmf iar vnd daz gelvbd daz darvber ge tan ist, vnd als dev fvmf iar ende habent so sint di bvrgen ledich vmb di vrveh, doch sol dev sine immer staet sein. Ditz ist geschehen da min brvder grave Minhart enantwrt was an miner stat, ze Geisel- mannsdorf bei Laibach, nach Christes gebvrt vber tovsent iar vnd vber zvaihvndert iar an dem drei vnd ahzegistem iare, des Svnntages vor sanet Veitstage, des dreizehenden tages ingendes manen Junio.

Orig., Pgt., anhgdes verletzt. Sigel, k. Reichsarchiv zu München; Meichel- beck II./2, 106, Nr. t78.