Wir Fridreich von gotes gnaden ro^emischer ku^enig zu allen czeiten merêr des reichs, herczog ze O^esterreich, ze Steir, ze Kêrnden und ze Krain, grave zu Tirol etc., bekennen, daz uns der ersam geistleich unser lieber andêchtiger der prior zu Achspach hat furpracht zwen geltbrief, darinn sich vor czeitten Hanns von Meissaw¹ fur sich und sein erben zu gelter verschriben hat umb vierhundert phunt phenning, die den klosterlêuten und dem gotshaws daselbs unczher aussteen, und hat uns zu erkennen geben, wie er an sein und seins gotshawss stat auf ettleiche stukh und gu^eter sey komen, die weilent Ott von Meissaw² hab hinder sein lassen und die freyes aigen sein, als die hernachgeschriben steen, und uns gepeten, daz wir mit unserm getrewn Thamann dem Kolben, des egenanten von Meissaw dienêr, der dieselben gu^eter innhiet, mit unserm brief zu schaffen, im die zu sein und seins gotshawss hannden u^eberczeantwurtten. Das haben wir getan und haben demselben Kolben mit unserm senndbrief geschriben und empholhen, im der abzetreten, also daz derselb prior und sein nachkomen und convent daselbs zu Achspach dieselben gu^eter mit iren zugeho^erungen nu fu^erbazzer in aigens weis innhaben nu^eczen und niessen und irn frumen damit schaffen su^ellen und mu^egen als mit andern irn gu^etern, die zu demselben irem gotshaws geho}erent, doch daz dieselben gu^eter bey demselben irem gotshaws beleiben und davon nicht verku^emert werden. Das mainen wir. Und sind das die egemelten stukh und gu^eter: von erst zu sand Jo^ergen tag drew phunt und achtundfu^enfczig phenning, item zu sant Merttentag drew phunt und dreyundfu^enfczig phenning, item das purkrecht, das besunder Otten von Meissaw ist gewesen, auch daselbs zu Achspach gelegen und bringt drey schilling und new^enundczwa^enczig phenning, item das gemain purkhrecht daselbs gelegen und bringt sechs schilling und vierundczwanczig phenning. Dieselben gu^eter alle sind gelegen daselbs zu Achspach enhalb und hiedishalb des pachs in Spiczer pharr. Mit urkund des briefs geben zu der Newenstat an phincztag nach sand Valentins tag des martrêr nach Kristi gepu^erd vierczehenhundert jar und darnach in dem ainwndvierczigisten jar, unsers reichs im ersten jare.

Source Fulltext: FUCHS, Aggsbach (=FRA II/59, 1906) S. 279-280