Ich Jorg Schekch von Wald, die czeit des hochgebornn fu^ersten, herczog Albrechts, herczogen zu O^esterreich und markgrafen ze Mêrhern etc., meins genêdigen lieben herren kamermaister, bekenn fu^er mich und all mein erben und tun kund offennleich mit dem brief allen lêuten gegenwu^ertigen und kunfftigen, das ich mit gu^etem willen und wolbedachtem mu^et zu der zeit, da ich es wol getu^en mocht, mit recht ainen rechten geleichen auswechsl gemacht und getan hab mit dem erbern geistleichen herren, bru^eder Hannsen, prior zu unser lieben fraun parten zu Achspach des ordens von Karthus, und dem convent gemain daselbs mit ettleichen meinen gu^elten gu^etern und gru^enten‚ die in zu yerem gotzhaus Achspach fu^eglich sind, umb etliche ire gu^eter, die mir zu der vesten Achstain auch nu^eczleicher und fu^egleicher sind, als die alle hernach mit namen geschriben sind: von erst hab ich in gegeben den hoff ze Eppendorff, da der Fridl aufgesessen ist, der dient zu unser frauntag zu der dinstzeit sechs schilling Wienner phenning und zu sand Mertentag zwo gans oder dafur zwainczig phenning und vier herbsthu^enrr oder dafu^er zwelif phenning, zu weihnachten fu^er prat sechczehen phenning und zway vaschanghain oder dafu^er acht phenning, item zu o^estern sechzig ai^er oder dafu^er sechs phenning und zwen kes, der ÿeder dreyer phenning wert sei; item darnach den hoff auch gelegen zu Eppenndorff, da yecz Ulreich der Mair aufgesessen ist, der dient auch zu unser frauntag zu der dinstzeit ain phunt Wienner phenning und zwo gens oder zwainczig phenning und vier herbsthu^enrr oder dafu^er zwelif phenning und zu weichnachten acht semeln oder acht phenning, drey kês oder nêwn phenning, zway vaschanghu^enrr oder dafu^er acht phenning, item zu o^estern hundert ai^er oder dafu^er zehen phenning und drey kês oder nêwn phenning; item ain mu^ell daselbs, da Anderl aufgesessen ist, der dient zu unser frauntag zu der di^enstzeit dreÿ schilling Wienner phenning und zwai herbshu^enr oder dafu^er sechs phenning und zu weichnachten fu^er prat acht phenning, item zu o^estern vierczig ai^er oder dafu^er vir phenning und ainn kês oder vi^er phenning; item darnach ain hofstat und deu mu^ellen in dem Ursprung dint zu unser frauntag zu der dinstzeit zwainzig phenning; item ain hu^eb zu Faulwisen, da Fridl aufgesessen ist, dint vir meczen waicz und vir schaff habern Steirer mass, ain virtail magen zu sand Mertentag und ain gans oder dafu^er zehen phenning, zwai herbsthu^enr oder sechs phenning, ze weinachten fu^er prat vi^er phenning und zwen kês, der yeder zwair phenning wert sei, und achtczehen hammen oder dafu^er sechsunddreissigk phenning und zwai vaschanghu^enr oder acht phenning, ze o^estern ain lampp oder zwelif phenning und zwen kês, der yeder drei phenning wert sey, und sechzig air oder sechs phenning und siben ellen zinspalken oder ainundzwainczig phenning an sand Mertentag, fu^er ain halbe weinfart zwenundzwainczig phenning, zu phingsten zehen kês oder zehen Wienner phenning: item und das gu^et in dem Werffen in Kronstorffer¹ pharr dint zu unser frauntag der dinstzeit sechczig Wienner phenning; item darnach die gu^eter zu Samerstorff:² von erst das gu^et dacz dem Krêwssen auf der Puntschu^echo^ed dient zu unser frauntag zu der dinstzeit dreÿ schilling Wienner phenning, vier herbsthu^enr oder zwelif phenning, ain gans oder zehen phenning, ain scho^et har oder achtczehen phenning, vir herbsthu^enr oder zwelif phenning, ain ganns oder zehen phenning an sand Mertentag, zwai vaschanghu^enr oder acht phenning, zu ostern vierczig ai^er oder vi^er phenning und zwen kês oder sechs phenning; item daz gůt, da Herman aufsiczet, dint an unser frauntag zu der dinstzeit ain halb phunt phenning und ain scho^et har oder achtczehen phenning, vir herbsthu^enr oder zwelif phenning, ain ganns oder zehen phenning an sand Mertentag und zwai vaschanghu^enr oder acht phenning, zu ostern vierczig ai^er oder vi^er phenning und zwen kês oder sechs phenning; item Peter des Smids sun daselbs di^ent sechs schilling Wienner phenning zu unser frauntag zu der dinstzeit, zwai scho^et har oder sechunddreissig phenning und vier herbsthu^enr oder zwelif phenning, ain gans oder zehen phenning, zwai vaschanhu^enr oder acht phenning, zu ostern virczigk ai^er oder vi^er phenning und zwen kês oder sechs phenning; item Peter Pader dint sechs schilling Wienner phenning an unser frauntag der dinstzeit, zwai schot har oder sechsunddreissigk phenning, vi^er herbsthu^enr oder zwelif phenning, ain gans oder zehen pfenning, zwaÿ vaschanghu^enr oder acht pfenning, zu ostern virczig ai^er oder vi^er phenning und zwen kês oder sechs phenning und von ainer padstuben daselbs funfunddreissig phenning; item Niclas Smid di^ent von ainer hofstat fu^enfundachtczig phenning an unser frauntag zu der dinstzeit, zwaÿ herbsthu^enr oder sechs phenning, ze ostern virczig ai^er oder vi^er phenning und ainn kês oder dreÿ phenning; item Fridreich Smid an der Prugk di^ent von aim gu^et drey schilling phenning an unser frauntag zu der dinstzeit, ain schot har oder achtczehen phenning, zwai herbsthu^enr oder sechs phenning, ain gans oder zehen phenning, zwai vaschanghu^enr oder acht phenning. ze ostern dreissig ai^er oder drey phenning und ainn kês oder drey pfenning; item Hainreich Zeilinger di^ent von aim gu^et an unser frauntag ze der dinstzeit sechsundsibenczig pfenning; item das gu^et am Sneiderperg zu Mollen, darauf Michel gesessen ist, dint ain schaff habern und ainen halben meczen pau und sechsthalben und zwainczig phenning zu unser frauntag zu der dinstzeit, ain schot ha^er oder achtczehen phenning, zwainczig ai^er oder zwen phenning und zwo ellen zinspalken oder sechs phenning, ain vaschanghun oder vi^er pfenning, zu ostern ain lampp oder zwelif phenning; item daz gu^et, das da leit zu Krêtaw, darauf Hainreich siczet, dint zehen meczen habern, dreu vi^ertail pau und zu unser frauntag der dinstzeit achtundsechczig phenning, ain schot ha^er oder achtczehen phenning, ain vaschanghun oder vi^er phenning, zu ostern zwainczig ai^er oder zwen phenning, zwai lempper oder vi^erundzwainczig phenning und drey ellen zinspalken oder nêwn pfenning; item der Gu^endl zu Waldarn³ dînt von aim gu^et vir schaff korn oder ain schaff waicz, fu^enf schaff habern, sechs schilling Wienner phenning fu^er ain swain, zu sand Mertentag zwo genns oder zwainczig phenning, vi^er herbsthu^enr oder zwelif phenning und zwai schot har oder sechunddreissig phenning, fu^er prat nêwn phenning, ainen kês oder vir phenning, zwai vaschanghu^enr oder acht phenning und zu ostern zwen kês und fu^enfczig ai^er oder zwelif phening. Da engegen habent sŷ mi^er gegeben die gult gru^ent und gu^eter, die hernach geschriben stent: von erst syben schilling und ain Wienner pfenning gelts gelegen underm Achstain in Spiczer pharr auf behausten gu^etern, die die hernach benanten holden innhabend und jêrleich an sand Michelstag davon dienent; item Michel Gotfrid dint achtczehen phenning; item Hans Ruedl dint vi^er phenning; item Andre Ruedl dint siben pfenning und aber von ainer o^ed vi^er phenning; item Jannsyn im Hof dint achtundsechczig phenning; item O^ettl Spiegl dint zwainczig phenning; item Jo^erg Spiegl fu^enfundvi^erczig phenning; item Jannsynn Hi^ersvoglinn dint fu^enfundvirczig phenning, darnach ganczen zehent grossen und klainen von wein und getraid und von aller anderlai, davon man gewo^endleich zehent gibt ze veld und ze dorff gelegen auf sechs halben lehen zu Achstain in dem obern dorff in Sand Michels⁴ pharr, die die hernach benanten lêut innhabend und davon man jêrlich di^ent gen Scho^enpu^echl zwelif Wienner phenning an sand Michelstag zu rechtem freim purkrecht und nicht mer; item Hanns Holczaphel hat ain halbs lehen; item Stephl Schaber ain halbs lehen; item Stephel Hu^ekênku^e ain halbs lehen; item Hannsynn Gotfridin ain halbs lehen; item Niclas Fleischaker ain halbs lehen; item A^enderl Schaber ain halbs lehen; item darnach ain pawngarten, des sechczehen jeuch ist, gelegen daselbs zu Achstain; item und ainn weingarten gelegen daselbs, genant die Pewnt, des aindlefthalb jeuch ist, zenêgst des egen(anten) pawngarten gelegen; item und darnach ain holcz mit grunt mit all gelegen im Zaismanstal neben des Jo^ergen Pu^echczeller holcz. Also hab ich obgenanter Jo^erg Schekch mitsambt meinen erben unverschaidenleich dem benanten brueder Hannsen prior ze Achspach und dem convent gemain daselbs die vorgenanten gu^elt und gu^eter, die mein gewesen sind, mit allen rechten und zugeho^erungen, als ich die inngehabt hab, redleich ausgewechselt und gegeben umb die vorgeschriben gu^elt zehent pawngartn weingartn und holcz, di sy mir habent gegeben auch mit iren rechten gu^elten und zugeho^erungen, als sy die gehabt habent, und gib in die auch in kraft des gegenwu^ertigen briefs mit aller stêt, so darczu^e geho^eret, mit allen den eren rechten nu^eczen und dinsten, so darczu^e geho^erent, und davon beko^emen mu^egen nichts ausgeczogen recht, als ich die inngehabt und genossen hab, und antwu^ert in die auch aus meiner nucz und gewer in ire und irs gotshauss nucz und gewêr also, das sy und all ire nachko^emen, die nu fu^erbaser an all i^errung besiczenn innhaben nu^eczen und niessen und allen iren frumen damit schaffen und tůn su^ellen und mu^egen, wie in daz am pesten fu^egt und wolgevellet, als mit andern iren aigen gu^etern, als solichs auswechsls aigner gu^eter und des landes ze O^esterreich recht ist ungeverleich. Ich secz mich auch mitsambt allen meinen erben unverschaidenleich dem benanten bru^eder Hannsen prior und dem convent gemain ze Achspach und allen iren nachko^emen u^eber die egemelten gu^elt und gu^eter, die ich in also gegeben hab mit iren gu^elten und zugeho^erungen, zu rechtem fu^erstannd scherm und gewern fu^er alle ansprach, als solichs auswechsls aigner gu^eter und des landes zu O^esterreich recht ist, und was in daran abget oder ob in icht krieg zuspru^ech oder invêll daran auferstu^enden mit dem rechten, von wem das wêr, was sy denn des schaden nêmen, den sullen und wellen wir in gancz ausrichten und widerkern an allen irn schaden und sullen sy daz haben dacz mir und meinen erben unverschaidenleich und darczu^e auf allem unserm gu^et, das wi^er haben so lang und alsverr, uncz daz sy aller irer scheden gancz davon bekomen an allen abgang und schaden. Und das der wechsl und hanndlung hinfu^er also stêt und unczeprochen beleib, darumb so gib ich in den offenn brief zu aim waren urkund der sach besiglten mit meim anhangundem insigl, und der sach sind durch meiner fleissigen gepet willenn geczeugen der edel vest ritter, her Albrecht der Sweinbarter und der edel Hanns von Rorbach, dieczeit des obgenanten hochgeporn fu^ersten, herczog Albrechts, herczogen zu O^esterreich etc., hofmarschalich, mit iren anhangungenden insigln in und iren erben an schaden. Geben ze Wienn an sand Bartholomes abent des heiligen zwelifpoten nach Kristi gepurd vierczehenhundert jar und darnach in dem dreissigistenn jare.

Source Fulltext: FUCHS, Aggsbach (=FRA II/59, 1906) S. 246-250