Bonifatius episcopus servus servorum Dei venerabili fratri archiepiscopo Captano, salutem et apostolicam benedictionem. Affluentis devotionis affectus quo carissima in Christo filia nostra Maria regina | Sicilie illustris erga Romanam Ecclesiam matrem suam pollere dinoscitur, promeretur, ut ipsius regine personam, multis utique virtutum titulis insignitam, favoribus prosequentes uberibus votis suis | in hiis potissime liberaliter annuamus, per que divine maiestatis conspectui reddatur acceptior, gratiosior habeatur sibique preter laudis humane preconium salutis cumulus producatur. | Habet siquidem exposite nobis dicte regine petitionis assertio quod inter cetera desideria mentis sue illud pregrande fore conspicitur, ut sacer fratrum Predicatorum ordo in orto plantatus ecclesie | ad laudem et gloriam summi regis per sue sollicitudinis studium suique ministerii solertiam curiosam prosperis successibus gaudeat, letis fecundetur eventibus et votivis proficiat incremen|tis. Quare prefata regina supplici postulabat instantia, ut in monasterio Sancti Petri ad Castellum de Neapoli ordinis Sancti Benedicti moniales sive sorores eiusdem Predicatorum ordi|nis ponere ac instituere libere valeat, ut in illo ipse ac ille que in ipso monasterio eis successerint perpetuis futuris temporibus permanerent, benignam sibi licentiam concedere dignaremur. Nos itaque | huiusmodi suum laudabile desiderium salubreque propositum dignis in Domino laudibus attollentes et volentes Patris more benivoli, ut illud de apostolice sedis liberalitate munifica efficaciter impleatur. Gerentes quoque | circa prefatum Predicatorum ordinem specialis dilectionis affectum, memorate regine prelibatum monasterium Sancti Petri cum domibus, officinis, viribus et pertinentiis suis omnibus | ubilibet constitutis nec non thesauro, reliquiis et ecclesiasticis ornamentis auctoritate apostolica de gratia speciali concessimus et donavimus sibique ponendi ac instituendi libere in eodem moniales | sive sorores ipsius Predicatorum ordinis, usque ad numerum de quo sua videret expedire discretio, ut per eas nec non et illas que ipsis in eodem monasterio successerint ibidem perpetuo | sub ipsius ordinis observantia virtutum domino serviatur plenam et liberam auctoritate predicta licentiam duximus largiendam. Ut autem moniales sive sorores predicte, que in eodem monasterio pro | tempore fuerint, in suis actibus salubrius et honestius dirigantur, auctoritate memorata statuimus et ordinavimus ut in monasterio ipso priorissa continue haberetur a monialibus ipsis sive sororibus | communiter eligenda. Quodque predictum monasterium omnibus et singulis privilegiis, indulgentiis, gratiis et concessionibus gauderet, que locis aliis eiusdem Predicatorum ordinis forent ab apostolica | sede concessa. Quocirca fraternitati tue per apostolica scripta mandamus quatinus sublato more dispendio ad prefatum monasterium Sancti Petri, te personaliter conferens, predictam reginam vel procuratorem | suum aut alium eius nomine in corporalem possessionem monasterii domorum, officinarum, virium, pertinentiarum, thesauri, reliquarum et ornamentorum predictorum, per te vel per alium seu alios auc|toritate nostra inducas et tucaris inductam abbate, monachis et conversis eiusdem monasterii Sancti Petri amotis primitus ab eodem. Ac abbatem, monachos et conversos predictos in Sancti Sa|bastiani et Sancti Severini maioris ac Sancte Marie de Capellis, monasteriis de Neapoli eiusdem ordinis Sancti Benedicti, collocare procures, faciens eos in monasteriis ipsis recipi in monachos | et conversos et sincera in domino caritate tractari. Contradictores per censuram ecclesiasticam appellatione postposita compescendo. Non obstante, si aliquibus a sede apostolica sit indultum, quod interdici, | suspendi vel excommunicari non possint per litteras apostolicas, non facientes plenam et espressam ac de verbo ad verbum de indulto huiusmodi mentionem. Datum Laterani | .V. kalendis martii, pontificatus nostri anno septimo. (BD).