Unser willig fruentlich dinste sein ewer Ersamkeit mit fleis voran bereit Fuersichtigen Ersamen und weisen besundern lieben freund. Es kuempt izund zu euch Hanussko unser Stat Inwoner zeiger ditz brifs Als von des gelts wegen, das Im Meister Hanns von Prag Arzt in ewer Stat gesessen noch schuldig bleibt und geben schol, und desselb gelts er dem egenanten Hanussken nue ein gross teil awßgericht und bezalt hat. Biten wir euch mit fleiß Ir woellet umb unsern und der gerechtikeit willen denselben Meister Hansen Arzt noch dortzu halden, daz er dem egenanten Hanussken sulich uebrig gelt awßrichte und gebe, und auch umb ander zuspruech ym genueg thue, als er euch das wirt underweisen, das wollen wir umb ewer Ersamkeit und die ewern in solichen ader in groesern sachen gern vordinen. Datum f(eria) III. post festum Circumcisionis domini Anno domini Millesimo Quadringentesimo quadragesimo septimo. Purgermaister und Rate der Alden Stat zu Prag

Source Fulltext: Peter Peusquens