Den Ersamen fuersichtigen und weisen herren .. dem Burgermaister und dem Rat der Stat ze Wienn und den verwesern Irer Gruntbuecher Empeut Ich Dorothe Wolfgangs des Kêtzl seligen tochter und Lienharts des Tanperger burger zu Presspurg eeliche hausfrau, Mein willig dinst. Lieben herren Ich lass ew wissen, daz mich ain haws in der krugstraß zu Wienn gelegen, des Ir Gruntheren seit, von dem egenanten meim vater ist angeerbt. Bit ich ewr Ersamkait mit gantzem vleiß, ir wellet mich desselben meins vaeterlichen Guets Nutz und gewer in ewr Gruntbuoch und den vorgenanten meinen vater darumb ausschreiben. Daz wil ich umb ewr weishait gern verdienn. Mit urchund des briefs Besiglt mit der Ersamen weisen, Ludweigs Kunigsvelder Burgermaister und Casparen Ventur des Rats der Stat zu Prespurg, aufgedrukchten Insigln. Die Ich zugezeugnuß der sach mit vleiss darumb geben hab. In und Iren erben an schaden. Darunder Ich mich mit meinen trewn verpinde stêtzuhalten das vorgeschriben stet. Geben an Phintztag vor sand MariaMagdalen tag Anno domini etc. Quadragesimo sexto.

Source Fulltext: Peter Peusquens