Albrecht von gotes gnaden Brobst zu sand Stephan ze Wienn, Graf ze Schawnberg Unser willig dinst bevor. Erber fuersichtig und weiß. Als uns der almaechtig gote mit seinen gotlichen gnaden mit der Erwirdigen Prelatur der Brobstey sand Stephan ze Wienn furgesehen hat, darumb wir Im wol phlichtig sein hoch ze dannkhen. Seidmaln uns dann sein gotliche gnad, also dartzu ervodert, und gewirdiget hate, So wellen wir uns doch in allen dem warInn wir ew, als unsern besunder-lieben Pharrlewtten, zu dinst und willen werden sullen, und muegen gunstlich beweisen, als wir des wol schuldig, baidenthalben sein ze tuen. Nu lassen wir ew wissen, daz wir uns unsern lieben andaechtigen in gote, Maister Hannsen Hueber von der Freinstat, unsen Schulmaister furgenomen haben ze furdern umb sein getrew dinst, die er uns dann taeglich beweisund ist. Und wann aber Ir mit ettwevil gotzgaben hoch belehent seiet, und die zuverleihen habet. Hierumb so pitten wir ew all und yeden besunder mit gutem willen und vleiß, wes wir ew erpiten kuennen und muegen, Ir wellet uns zu dinst, und wolgevallen den benanten Maister Hannsen, mit ainer Gotzgab ewer lehenschaft, so ew ledig. Und ew derselb Maister Hanns oder sein procurator darumb anlangen wirdet, umb unsern willen fuersehen, und die gunstlich verleihen, auch ew darInn beweisen, damit er unserer ersten gepet gen ew unvertzign beleibe, das wellen wir in solhen oder wo sich das gepueret willichlichen und gern, umb ew und ewer jeden beschulden und erkennen. Geben ze Passaw an sand Barbaren tag Anno etc. Quadragesimo quinto.

Source Fulltext: Peter Peusquens