Hochweisen Ersamer Liben Herren Unseren willigen dinst mit getrewer begir zuvor. Als uns ewer ersamikeit schreibt von der Hestra der Judin und von Ir toechter wegen etc. das haben wir ver-nomen. Lassen wir ewer lobsamikeit wissen, das sich dieselbig Juedin hat geurlawbt under herren Joergen von Freyn und hat geleichwol wellen in der Stat sitzen und derselbig herr Joerg hat unserem hawbtmann und der Stat mitsambt vil leides und schadens zugetzogen und darumb hat derselbig haubtmann herr Erenst Lesskowetz die benant Juedin gefangen und vergewisst und yetz nicht in haym ist. Dann wenn er koempt was wir dann ewer ersamikeit, und den toechteren gedienen muegen, das wellen wir geren tuen. Geben an sant Erasem tag Anno domini etc. Quadragesimo quinto. Burgermaister und Rate der Stat Znoym.

Source Fulltext: Peter Peusquens