Ersamen weisen unser willig dienst bevor. Als her Niclas Leitgeb seliger weilent pharrer zu Ueteldorff, ain gescheft getan hat darinn wir fuergesehen sein, daz ainer aws unserr schul ze Korn Newnburg, verlegt sol werden ze wienn in der universitet, nach ausweisung desselben geschefts, daz dann in ewrem Statpuech auch geschriben stet, des gescheftherrn sind Oswalt Oberndorffer seliger weilent Huobmaister in Osterreich, Niclas underm Himmel Munißmaister, Mert Scheprer Apotekcher Bitten wir eur ersamkait und weishait ir wellet die benanten gescheftherrn daran weisen, damit dem benanten gescheft nachgegangen werd, als vor beruert ist, das wellen wir umb eur ersamkait und weishait alltzeit mit vleis gern verdienen. Mit uerkundt des briefs verslossen mit unserm, der stat Korn Newnburg aufgedrugktn Insigel. Geben daselbs ze Newnburg an freitag vor Purificationis Marie Anno domini etc. Ouadragesimoquinto. Der Rat der Stat zu Korn Newnburg

Source Fulltext: Peter Peusquens