Erbern weisen und lieben getrewen. Als wir zu menigermaln an ew begert haben uns volkh zu zeschikhen wider unser veind, so yetz zu Fridberg ligen. Also lassen wir ew wissen, daz wir all unser hofgesinnd von hiraus wider dieselben unser veind heint bey der nacht geschikht, nach dem und sich die veind daselbs gesterkht haben und mainen das geslos ob Fridberg ye zearbeitten. Dasselb unser hofgesind sich dann mitsambt unsern landleuten unsers furstentums Steir morgen fur Fridberg slachen und das ze arbeitten mainet. Darumb so begern wir an ew mit gantzem ernst-lichem fleiss, daz Ir uns an verziechen volkh als maist Ir mugt auf das pest zugerichtt furderlich und an alles verziechen schikhet, damit den veinden widerstanden werd und nicht groessrer unrat dadurch auferstee. Das wellen wir gen ew gnêdiclich erkennen und zuguot nicht vergessen. Geben zu der Newnstat an Suntag vor sand Katherintag. Anno etc. XLIIII° unsers Reichs im fumften Jare. Commissio propria domini Regis.

Source Fulltext: Peter Peusquens